منتديات حنين
أهلا بيك يا معلم منور المنتدى وحشتنا مستنيينك من بدرى اذا كنت عضو معانا اتفضل بالدخول
واذا كنت زائر يشرفنا انضمامك لأسرة منتدانا المتواضع

منتديات حنين

منتديات حنين - اغانى - افلام - كليبات - غرائب - صور - برامج - العاب - مسابقات - نكت - الغاز - موبايل - كل جديد وحصرى
 
الرئيسيةس .و .جالتسجيلدخول

شاطر | 
 

 خارج نطاق العده

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
crazy garls love
عضو من الآخر
عضو من الآخر
avatar

عدد المساهمات : 1903
المزاج : crazy
تاريخ التسجيل : 10/05/2008

مُساهمةموضوع: خارج نطاق العده   الأحد 20 يوليو 2008, 7:04 am

afro:
المشهد الاول:

(يرن التليفون في منزل وهبي)

الأب: (يرفع السماعة) الرقم الذي طلبته ربما يكون مغلقا او خارج نطاق العدة (يكح) لمؤاخذة..تيت تيت تيت.

رزق: ياعم صبحي حواراتك بقت فاشلة..في تليفون بيت مغلق!

الأب: هو انا يابني اللي بقول ..هذه رسالتن مسجلتن..ذز از اريكوركود ماشود!

رزق: بالزمة دا صوت رسالة مسجلة..ياعم دا صوت واحد بالع كومودينو!

الأب: انا مش هقل ادبي عليك.

رزق: ياعم صبحي ناديلي وهبي بقي فجرت لي الزايدة!

الأب: وهبي خرج يجيبلنا فطار للعشاء.

رزق: ايوة يعني اجيله الضهر ولا ولا بعد المغرب؟

الأب: بعد محطة المترو علطول!



المشهد الثاني:

رزق: ابوك دا مع انه كبر ولو ضحك وشه ممكن يتشرخ لكن لسانه بيتفرش ذي السجادة اول مايشوفني.

وهبي: المهم انت طلبتني ليه؟

رزق: لقيتلك شغلانة..انت مش قولتلي انك مثلت ع المسرح قبل كدة؟

وهبي: مثلت مرة ف الجامعة, كان دور رئيسي..عملت دور راجل ميت.

رزق: يعني تفاعلت مع الجمهور؟

وهبي: لا انا ماكنتش واقف ع المسرح..دا سيرتي جت ف وسط الكلام.

رزق: ع الأقل اسمك نزل مع فريق التمثيل!

وهبي: آه نزل.. بس شطبوا عليه بالجاف.

رزق: المهم انك مثلت ساعتها وخلاص..ماتقرفنيش!!!

وهبي: بصراحة انا اعتذرت ف اليوم دا!

رزق: طب بص بقي ,فيه مخرج مسرحي بيحب الخلق الجديدة..وانا حاسس ان وشك فوتوجينيم وفيه القبول وعليه الرضا.

وهبي: لا ياعم انا ما انفعش للشغلانة دي.

رزق: يا اخي ماتبص للدنيا من خلال حدوة حمار..خلي عندك امل ف امبارح.



المشهد الثالث:

الريجيسير: (يعطي لوهبي شعلة) امسك دي واقف مع زمايلك..واياك تنطفي!!!

وهبي: ايه ياعم انت م المجوس ولا ايه..لو حد سالني انت تبع مين اقوله العاب اوليمبية؟

الريجيسير: ماحدش هيسالك..يلا ادخلوا العرض هيبتدي(يدخلون وراء الممثل علي خشبة المسرح)

الممثل: جواااااااااااااااااااااااااز عتريسة من فؤاد باطل.

الجميع: باااااااااااااااااااااااااطل ... باااااااااااااااااااااااااطل.

وهبي: يانهار اسود الشعلة هتنطفي..ابو لؤلؤة هيولع فيا.

زميل: (يخرج من جيبه زجاجة اسبرتو ويعطيها لوهبي).

وهبي: شكرا ..بص الحركة دي (يملا فمه بالسبرتو ويرش علي الشعلة ,فيحرق شعر البطل وتمسك النار في ملابس زميله وتشتعل علي الستار فيهرب المتفرجون فزعا).



المشهد الاخير:

(في القسم)

الظابط: (لوهبي) فاكر نفسك ف المولد ياله.

وهبي: ياباشا الشعلة كانت عهدة.

الظابط: انا هعملك دورة سيدني ف الزنزانة.. برعيييييي هاتلي العصاية!!!!

وهبي: لاااااااااااا والنبي ياباشا كله الا العصاية.. انا عايز اتصل بوالدي ..القانون بيكفلي حق مكالمة.

الظابط: اتصل ياخوية.

وهبي: (يتصل) ايوة يابابا انا ف القسم.

الصوت: تيت تيت تيت.

قطع

:37:
الرجوع الى أعلى الصفحة اذهب الى الأسفل
سيمو وانتيمو
عضو بيحاول
عضو بيحاول
avatar

عدد المساهمات : 85
تاريخ التسجيل : 29/05/2008

مُساهمةموضوع: رد: خارج نطاق العده   الأحد 20 يوليو 2008, 7:23 am

هايل جميل تسلم اديكى
الرجوع الى أعلى الصفحة اذهب الى الأسفل
lovermadrid_lovermadrid
عضو من الآخر
عضو من الآخر
avatar

عدد المساهمات : 2103
المزاج : رومانسية
تاريخ التسجيل : 11/04/2008

مُساهمةموضوع: رد: خارج نطاق العده   الأحد 20 يوليو 2008, 1:24 pm

حلوووووووووة كتير يعطيكي العافية

تقبلي مروري
اختك عاسقة ريال مدريد
الرجوع الى أعلى الصفحة اذهب الى الأسفل
gersy
عضو من الآخر
عضو من الآخر
avatar

عدد المساهمات : 3078
تاريخ التسجيل : 17/05/2008

مُساهمةموضوع: رد: خارج نطاق العده   الأحد 20 يوليو 2008, 6:28 pm

رووووووووووووووعه ياكريزى

الرجوع الى أعلى الصفحة اذهب الى الأسفل
 
خارج نطاق العده
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات حنين :: الأقـسـام الـعامة :: الـمـنتـدى الـعـــــــام-
انتقل الى: