منتديات حنين
أهلا بيك يا معلم منور المنتدى وحشتنا مستنيينك من بدرى اذا كنت عضو معانا اتفضل بالدخول
واذا كنت زائر يشرفنا انضمامك لأسرة منتدانا المتواضع

منتديات حنين

منتديات حنين - اغانى - افلام - كليبات - غرائب - صور - برامج - العاب - مسابقات - نكت - الغاز - موبايل - كل جديد وحصرى
 
الرئيسيةس .و .جالتسجيلدخول

شاطر | 
 

 يوم دراسى لزيز

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
nour_einy
:::مشـرف عـــام:::
:::مشـرف عـــام:::
avatar

عدد المساهمات : 4760
تاريخ التسجيل : 30/03/2008

مُساهمةموضوع: يوم دراسى لزيز   الخميس 07 أغسطس 2008, 8:02 am

}السلام عليكم ورحمة الله{
عندما استيقظ مبكرا وكالعاده وكما يفعل اغلب الناس الاتجاه لاخد دش ساقع كان ام ساخن وعندما تكون محظوظا وملىء بالحظوظ اللى دايما ماتكون سعيده خالص وحينما تنزع ملابسك وتغلق عليك باب >بيت الراحه> كما يطلق عليه ولكى تخرج وتسمع اغنية ياخارجه من باب الحمااااام وكل خد علييه ............

فتجد ان المياه قد قطعت فتتمتم ببعض الكلمات فى سرك طبعا انت فاهمنى انا اقصد ايه******* } وعلى رأى محمد سعد{ ياولود كذا وياولود كذا**** فتخرج من باب الحمام ثائرا وغاضبا ومتشنك الاعصاب +الرائحه الذكيه وكل خد عليه موزه فهذا ليس بزمن ب***
والحمد لله الذى رزقنى الطعام للافطار والا كان هيبقى شكلى وحش اوى لا حمام ولا اكل هو من كله بئه ...
خلاص اكلت وقومت البس بئه عشان انزل الجامعه وياللهول على راى يوسف وهبى نسيت ان القميص مكرمش من امبارح ونسيت اكويه لما كنت بتفرج على مسلسل خدنى فى حضنك بس اوعى تكرمشنى قومت عشان اكوى يبقى لازم هتأخر على الجامعه جبت المكواه والقميص وبسم الله هنبدا والنور قطع ادينى عقلك انت بئه مش قولتلكم محظوظ طلعت زى المره الاولى على خدى بوستين اوعوا تنسوا البوسه الاولى المهم استنيت انه ييجى يظهر ان بتاع النور عارفنى المهم من تواضع لله رفعه الله نلبس كده وخلاص بعد ملبسنا القميص والبنطلون طبعا اوعوا تنسوا وهاااااا يلا هننزل لنواجه المصاعب والمشاق فى هذا اليوم والذى يمثل سنه عندى نزلت اول منزلت قابلت عمى فوزى القيت عليه السلام فلم يرد عليا يمكن مش سامع كررته تانى عليه بصلى بأرف ايه ياعم هو انا بقولك عاوز افطر المهم قولت يمكن انطرش كمان سلام عليكم ياعم فوزى بحلقلى وكانه هياكلنى مخلاص ياسيدى سلام ورحمة الله سمعنا وكانه عاوز يتخانق قولتله خلاص ياعم فوزى نهارك ازرق ان شاء الله وسيبته ومشيت, ومشيت وانا دمى خلاص كاد ان يتفجر من عم فوزى طبعا يظهر ان خالتى ام عبده كانت مشبشبااااه عشان الفطار المهم مشيت فى امان الله وانا اردد بعض الاذكار لكى ينجينى الله طبعا واقتداء بحبيبى الذى كان لا يغفل عن الذكر فى كل احواله وده شىء اساسى بدل منضيع وقت وعلى غفله لقيت بعض من اللى قلبك يحبه وكانها تنزل لتخطفك من تحت وتصعد مرة اخرى اذا بجردل مياه لا اعلم مصدره من فووق ربنا يسامحها بئه ام حمدى وكالعاده الميه دى حلوه ياام حمدى ايوه ياحمد يابنى دى نضيفه بس ريحتها مكانتش بتقول كده خالص هقول ايه بئه رجعت تانى عشان اغير طبعا وغيرت بسرعه ونزلت جريت على ميكروباص كانت الناس عليه كطابور العيش ربنا ميوقفكمش فيه يارب, فعلا اللى عاوز يفكر فى يوم الحشر يروح هناك يتدبر ويرجع ميشتريش عيش لان كمان متنساش ده طابور بئه ونظام واحنا بنحب النظام ولا واسطى ولا اى حاجه العدل حلو وانت طبعا لسه دورك الخامس بعد المائه طبعا وييجى دورك وحظك حلو متنساش ييجى عمك محمود بكل وسامه وسعة صدر يقولك خلصنا طبعا انت عاوز تاكله على وشه بس يلا مش مهم .. المهم نكمل ركبت الميكروباص بعد سب ولعن من الناس طبعا بما انى فى الوقت ده لو الوالد اللى جاى هعمل مش شايفه ده الوقت ياعم من ذهب وان لم تقطعه هيقطعك خمستاشر حته وانت حر المهم وصلت} بحمد الله{للجامعه وعينك متشوف الا النور قابلت توتو وسوسو وكوماندو وزئرده قاعدين امام الجامعه وكانهم قاعدين عند عمى محمود ياترى فاكرينه؟؟؟؟؟ محمود بتاع العيش وطبعا بئه اللبس المحتشم المحترم اللى اتعودنا عليه يعنى التى شيرت التمن كم والجيبه اللى طولها اصلا مفيهاش طول بس هى جايه فوق الركبه ب96.5 ومش عارف المجموع ده ممكن يدخلها ايه وكانها كل مبترفع كل مهتجيب مجموع عالى يدخلها جامعه جامده ماعلينا اخرها هتفتح مشروع مراجيح باللى بتعمله ده المهم دخلت من باب الجامعه وكأنى داخل جامعة}ادخل وبص براحتك{ فى باريس اللى قاعد هنا مع سوسو ودى قاعده مع قلبظ واللى معاه واحده بتاكله وكان فيه اتنين وكانهم لسه صاحيين يظهر ان دى كانت صبا**** وحاجات غريبه المهم وبكل شوق وحنين واجتهاد باقى على وقت المحاضرة 10 دقائق حمدا لك ياربى عل أد انى اتاخرت ولكنى وصلت فى الميعاد محظووووووظ بئه وفجأه وبلا احراج او خجل نزل كالرعد على أذنى وكدت اقع من هول الموقف وكأننى احتضر واعانى من سكرات الموت اذ نودى من مكان لا اعرفه تبع الجامعه طبعا ان المحاضرة قد الغيت بالله عليكم قولولى اعمل ايه بئه انا زهقت مكانش قدامى الا انى اقول بينى وبين نفسى انا عاوزه اتطلق عشان استريح بئه مهو انتوا شايفين الحظوظ اما بتيجى مره واحده بتعمل ايه بتدمر المهم تذكرت قول الله فى سورة البقره والذى يثبت المؤمنين واسال الله ان اكون منهم وانتم كذلك ان الله مع الصابرين ...... والمشكله ان مكانش فى غيرالمحاضره دى النهارده روحت راجع بظهرى ثانية للخلف وكما جئت وعندما هممت بالخروج وجدت بعض اصدقائى الذين من الله عليهم بالالتزام والله مفيش احسن من دول هما اللى هيشدوك على الجنه بأمر الله زى قناة ***** بالظبط المهم تصافحنا و تحدثنا قليلا لان كل واحد مشغول اللى شغال واللى وراه مشواربعد المحاضرة وبما انها الغيت فكده هيقضيه بدرى بدرى المهم لأول مينى باص شاورت وكالعاده لازم يكون عندك فنون الجرى اولا ثم القفز ثانيا لان السواق مش فاضيلك فى بشر كتير امامه وكأنه بيحمل سمك المهم جريت ثم قفزت وكنت هتكعبل لولا ان امسكنى اخ لى فى الله شوفت بينفعوا بئه ولا لأ لو كان واحد من اللى بالى بالك كان عمل فيها كركر المهم الحمد لله الذى رزقنى مكانا ليس للجلوس لالا لا لا تبقى اخطات ولكن لكى اضع احدى قدماى على الارض ولو فتحت بقك يقولك يااستاذ الطرقه فاضيه وهى مفيهاش مكان تقف فيه جمبرياياااااا يبقى تسكت بدل ميركن وتنزل وتدفع مرتين مع ان على راى المثل اللى رجله على الباب مش زى اللى رجله فى الطرقه وبعد عشرة دقائق او مايقارب ذلك وصلت الى محطتى نزلت وناولته الاجره وانا فى سرى طبعا عارفين انا بقول ايه بشكره زى بتاع النور وقبله بتاع الميه وزى خالتى ام عبده مرات عمى فوزى لا اراه الله خيرا وعمى محمود ربنا يخليهوملى يارب ونزلت وانا اردد بعض الاذكار ايضا حاول تملأ وقتك بالذكر فهى والله لذه جميله لاتكلفك شيئا ولكن اجرها كبير وكما قال بعض الصالحين مات الناس ولم يذوقوا احلى مافيها }الدنيا يعنى{فلما سئلوا ومااحلى مافيها قالوا ذكر الله نسال الله ان نكون من الذاكرين المهم ركبت المينى ايضا وانتوا عرفتوا انا بقعد فين بئه المهم وجدت امامى رجل عجوز يكاد ان ينزل من المينى باص ويقول الحقونى من شدة كبر سنه يعنى خلاص ايام ويرحل يلا ربنا يديله الصحه ويدينا كل واحد وليه رساله وعمر لازم يؤديه المهم نزل فى المحطه القريبه فأسندته وساعدته فى النزول والسائق عايز يمشى دوره هيفوت وصديقه اللى وراه هيقطع عليه زى مابيقولوا ونظر الى نظرة كادت ان تحرقنى فهمت منها انه عاوز يقوللى خلص ياخويا بئه مش وقت حسنات عايزنى ازق الراجل المسن عشان هو يمشى,,, بعد جدى العزيز منزل بالسلامه دعا لى ببعض الدعوات المباركات التى لاترد لصلاح هؤلاء الناس ففرحت جدا ودعوت له بالصحه والعافيه فى سرى طبعا والا صاحب السياره كان قاللى طب انزله بئه ياخويا جلست مكانه وكان بجوارى احد الشباب الذين يتصنعون النوم من اجل ميقوموش لحد يعنى عيال ناصحه بس متعرفش انه ثواب المهم جائتنى غفله قليله بتاع عشرة دقائق او ربع ساعه ولم ادرى من تركنا ونزل ومن ركب جديدا المهم مما شاهدته عرفت ان الشاب الناصح اللى كان جنبى شوفته واقف وانا ياخويا جنبى بنت اموره جدا والشاب واقف كانه واقف فى طابور الجيش مش زى اخته برضه ياناس وهى قاعده وكانها بنت السواق قولت سبحان الله هو ده اللى كان عامل نايم واتابع نظرات وكأنه نفسه الموززه تقوله انا رقمى كذا واتابع حركاتها وكأنها تقول بلسان حالها تتك نيله الله يقرفكم كلكم واحد +ابتسامه كدابه من اللى عرفنها دى وصلنا بسلام ونزلنا والشاب مازال رخم زى ماهو مش عاوز ينزل من على اذن الفتاه نزلنا من السياره المهم انا بمشى خطوات سريعه رجل اعمال بئه وعاوز اروح بيتنا قصدى قصرنا ههههههههه اوعوا تصدقوا المهم بعد مقطعت عدة اشبار سمعت شتم وسب وضرب فاذا بالناصح الشجاع الهمام ملمومه عليه الجمهوريه وخرابيش وكرانيش وتعاوير ومساجات جامده وكله بيحب يساهم ولاد بلد بئه رجعت تانى اشوف ايه حصل فاذا بالفتاه تقول انه يعاكسنى ضحكت فى سرى وقولت ده جزاء اللى يعمل فيها بكار وعلى راى المثل اللبنانى ضحكتله لحد مقعدت على الكرسى وهو واقف & المثل الروسى "اتمسكنت لحد متمكنت" اما الهولندى "قومتلها وقعدت واما نزلنا ضربت وردحت" والصعيدى "بجا ده جزاء اللى يجوملك !! اه ياواطيه" وصلت للمنزل وسلمت على ام عبده لما كانت بتلم الغسيل بئه اللى انا ذقت الميه بتاعته صباحا وتاسفت لى تانى على اللى حصل قولتلها عيب ده انا زى عبده بس ياريت بعد كده تبقى كيكه & كوباية شاى مش كل مره ميه بئه وابتسمت واستأذنتها ومشيت.. دخلت المنزل متعب جدا وتعبان غيرت الملابس طبعا القميص المكرمش والبنطلون الجنز اوعوا تنسوا احضروا لى الغداء وكانى كنت مسافر ايطاليا وجاى, اكلت والحمد لله رب العالمين وقولت اريح شويه بئه عشان استعد لليوم التالى وربنا يستر .............

_________________





زوروا موقعنا الجديد منتديات خليك معايا
على هذا الرابط

http://5lekm3aya.com

الرجوع الى أعلى الصفحة اذهب الى الأسفل
ملكة الاحزان
عضو من الآخر
عضو من الآخر
avatar

عدد المساهمات : 644
المزاج : حزينة
تاريخ التسجيل : 31/03/2008

مُساهمةموضوع: رد: يوم دراسى لزيز   الإثنين 11 أغسطس 2008, 6:55 pm

ههههههههههههههه

والله مافى الز من كدة

مشكور احمد على مجهودك
الرجوع الى أعلى الصفحة اذهب الى الأسفل
 
يوم دراسى لزيز
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات حنين :: الأقـسـام الـعامة :: الـمـنتـدى الـعـــــــام-
انتقل الى: