عمرو العالمى
عضو من الآخر
عدد المساهمات : 870
المزاج : مكبر الدى و مليط الجى
تاريخ التسجيل : 17/08/2008
 | موضوع: حوار مذيعة مع عمرو سنة 2050  الأربعاء 24 سبتمبر 2008, 3:51 am | |
| حوار مذيعة مع عمرو سنة 2050
برنامج ليت الشباب يعود يوما
المذيعه: اسم حضرتك
المواطن: عمرو
المذيعه: احكى لنا شوية عن ايام زمان
المواطن: أحكى ايه ولا ايه ولا ايه عن زمان ....والنبي متفكرنيش بايام العز....ايام
الرخص...أيام الاحترام....
طب ده انا مثلا فاكر من حوالى 40 - 45 سنة كدة كان الواحد مننا ياخد من ابوة
المصروف10او 15 جنيه فى اليوم وكانوا بيكفوا...ومابيفتحش بقه...مش زى
دلوقتى....الله يكون فى عوننا....ده انا فاكر ان عمرى ما ناقشت بابى فؤادالله يرحمه
المصروف....
زمان الواحد كان محترم في لبسه كان الولد لابس البادي الكات
والبنطلون النجر او البنطلون
الجينز الديرتى المقطع و خلاص.....والبنت تلاقيها ماشية باحترامها
لابسة المينى جيب
والبادي الضيق او البادى الاستوماك او البنطلون الاستريتش و خلاص..
.لكن لبس اليومين دول....مايتوصفش....اجارك الله
زمان المصاريف كانت محدودة ...فين ايام ما كيلو اللحمة كان بـ 45
جنية بس....
كانت ايام....
وبعدين زمان كانت ابواب البيوت تتقفل من بدري يعنى الساعة4الفجركدة..وكان
الابهات ليهم شنة و رنة....يعنى ماتلاقيش واحد بيعلى صوته على ابوه
و لا بيمد ايده على امه....
غير لو زعقوا له او ابتدوا معاه بالصوت العالى....
زمان كنا بنذاكر على الاغانى الطربية الاصيلة....فين ايام الاغانى
الاصيلة زى بحبك يا حمار و العنب العنب العنب...
.لكن اغانى اليومين دول لا ليها طعم ولا لون و الكلمات بقت
مبتذلة ومالهاش معنى....طب بذمتك كدة قارنى بين مطربات زمان زى الست روبى و الست دانا و الست هيفا....
لكن مغنيات اليومين دول بيعتمدوا على جسمهم و على المسخرة....
فين ايام الفن الاصيل
زمان كانت البنت لما تقابل صاحبهااللى بقى لها كتير ماشفتهوش تبوسه
وخلاص مش زى بنات اليومين دول قلالات الادب.....
وبعدين زمان بصراحة بقى كانت المذيعة تقعد قدام الضيف او جنبه
مش على رجله زي ما انتى عاملة كدة....
المذيعة: قول للزمان ارجع يا زمان
معا تحيات
عمرو
عدل سابقا من قبل thedarkknight في الأربعاء 24 سبتمبر 2008, 9:00 am عدل 1 مرات | |
|
sasso the best
عضو من الآخر
عدد المساهمات : 4594
تاريخ التسجيل : 05/04/2008
| | موضوع: رد: حوار مذيعة مع عمرو سنة 2050 الأربعاء 24 سبتمبر 2008, 4:23 am | |
| ههههههههههههههههههههههههههه
لا جامده يا عمرو تسلم ايدك | |
|
عمرو العالمى
عضو من الآخر
عدد المساهمات : 870
المزاج : مكبر الدى و مليط الجى
تاريخ التسجيل : 17/08/2008
| | موضوع: رد: حوار مذيعة مع عمرو سنة 2050 الأربعاء 24 سبتمبر 2008, 4:25 am | |
| شكرا يا ساسو يا قمر لمرورك الجميل شكرا يا عسل
| |
|
