مراحل نمو البنات

السلام عليكم

مراحل نمو البنـات ( وبـــــدون زعـــــــل )

اولاً : مرحلة الولادة

البنت في بطن امها تسوي مشاكل وترفيس وتشويت وتتعفرط وتسوي حركات بهلوانية وبعدين تولدها امها

وهي تبكي =====>>>> وعلى فكرة صراخ البنت اذا انولدت يسمعه اللي بآخر الدنيا لسانها طويل من يوم تنولد مراحل نمو البنات Thumbdown

بعكس الولد اذا طلع من بطن امه يطلع باحترام ولطافة =====>>>>> ماشاء الله عليهم :102:

ثانيا : مرحلة الحبو

البنت اذا وصلت مرحلة الحبو لازم تكلبشها او تربط رجولها بسلاسل لان البنت اذا حبت حطت رجلها

ويالله عاد دورها تلاقيها يامتكرفسة مع الدرج والا غاطسة في البانيو الله يكرمكم والا شايفه لها صرصور

وقاعدة تلاحقه

ثالثا : مرحلة المشي

هذي اخطر مرحلة توصل لها البنت وانصحكم ماتخلونها تدل مكان البقالة او محل الالعاب لان من هذي الاشياء

تبتدي البنت تحب الاسواق والله يعينك اذا ماسمعت نصيحتي ..

انت جرب وخلها تروح معاك البقالة مرة وشوف شنو بتسوي لك اذا بغت تشتري حلاوة او لعبة وما رضيت

توديها =======>>>>> صدقني بتكرهك في حياتك

رابعاً : مرحلة دخول المدرسة

المرحلة هذي خطيرة جداً ====>>> صحيح البنت تروح للمدرسة تتعلم القراءة والكتابة لكن بعد في اشياء

جانبية تتعلمها مع القراءه والكتابة طبعا انتوا راح تسألوني شنو اهي ..

رايح اقول لكم

البنت تروح للمدرسة ولازم انها تختلط مع بنات ثانيات وبعدها تجي البنت الثانية رابطة بكلة وردية

لازم البنت تقلدها وتزعجك الين تشتري لها مثل رفيجتها بالمدرسة .. يعني من هذي المرحلة تبدأ تقليد البنــــات

خامسا : مرحلة البلوغ (أقول من منكم بلغ) ههههههه مراحل نمو البنات Bleh

وفي هذي المرحلة يبدأ خبال البنت >>>>> ماادري ليش اي بنت توصل لمرحلة المراهقة تصير خبله

ومخها يصير ضعيف افهمكم اشلون ...

البنت حساسة جدا في جسمها ومشاعرها .. يعني لو تدز بنت طاحت وتكسرت حتت حتت حتت حتت

وايضا لو قلت لها كلمة اهانة ولو بسيطة او حتى مو قصدك تجرحها =====>>>> يعني انت تضحك

البنت ماعندها تفاهم على طول تزعل

حتى لو تضحك معاها على المسنجر وتضحك على طول بدون سبب

اما الخبال====== >>>> في انها تصدق اللي يمدحها ويتغزل فيها البنت تصدق على طول

سادسا : مرحلة العشرينات الشباب

المرحلة هذي مرحلة حلوة للبنت لانها في المرحلة هذي تبدأ تعدل من اوضاعها وتصير راكدة وتبدأ

تعقل شوي شوي .... بس المشكلة بشنو ؟؟؟

يعني تعرفون ان البنت في هذي المرحلة يكثرون خطابها يعني مضطرة انها تكشخ بكل عزومة او مناسبة

والام توديها معها لاي مكان تروح علشان تقول عندي بنت واللي يبي يخطب للولد ترى هذي بنتي

LOoOoOoOoOoOoOoOoOoL

وفي هذي المرحلة تطلع مواهب للبنت اللي تخيط واللي فنانة في تفريك الصحون والا محترفة في كنس البيت واللي اختصاصها غسيل وكوي يعني مواهب حلوووووة

سابعا : مرحلة الزواج

وهذي المرحلة هي بداية تعاسة الرجل مااتيي المصايب للرجال الا في هذي المرحلة .. يدخل الرجّال البيت

وتستقبلة الحرمة بريحة بصل او ثوم وايديها فيها صابون توها طالعة من المطبخ والا تستقبله وهي تصارخ

عليه وتصفق بوجهه بذيك الورقة اللي مكتوب فيها ( بصل وخيار وثوم وكوسا وباذنجان =====>>>> على

فكرة هذا كله تراه تمهيد وبعدها تكتب .. مجلة سيدتي .. خاتم ذهب .. شنطة جلد سحلية .. فستان طلبية

اغلى شيء وتغيير اثاث الغرفة .. واثاث جديد للصالة .. ولاتنسى تمر البنك وتجيب لي 5000 بروح

السوق ===>>>>> بعد كل هالطلبات وتروح السوق مراحل نمو البنات Sly

ثامنا : مرحلة الامومة

في هذي المرحلة تبدأ المشاكل الكبيرة بين الحرمة وزوجها .. يعني الرجّال اللي عنده عيال كثير اوقف له وقفة

احترام لانه صابر على زوجته وتلقى الرجّال في هذي المرحلة يحاول انه يهرب من البيت كثير لكن وين

ينحاش الحرمة وراه وراه والله وتطلع له من تحت الارض وين مايروح تلاقيه .. اذا جلس الابو في البيت

تلاقي وجهه احمر من المنافخ على اليهال واذا طلع من البيت ينشرح صدره ويرتاح .. مثلاً الابو

يجلس مع حرمته ويجيك ولده الصغير ويلعب بالكورة عنده يشوته على جبهته بالكورة مراحل نمو البنات Icon28

وينسكب علية مطارة الشاي

والابو يعصب والام تقول معليش توه صغير خله ====>>>>> احر ماعنده ابرد ماعندها

واذا كان يبي يسولف معها يلاقيها متعلقة بسماعة التليفون ومعها كيس حب واستكانه الشاي

وتملا الصالة قشور واذا خلصت الرجّال يبي يكلمها وتقوله بكنس الصاله