frawla
عضو عالزيرو
عدد المساهمات : 10
تاريخ التسجيل : 01/06/2009
 | موضوع: الحلقة التانية من يوميات احمد وايمى  الثلاثاء 02 يونيو 2009, 1:35 am | |
| الحلقة التانية
========
الساعه 11.30دينا و ايمان قاعدين في كافيتيريا الجامعه. و طبعا هات يا رغي..
دينا= ها ايه رايك في الجامعه بتاعتنا؟؟
ايمي= مش بطاله.. يعني انا حاسه انى هحبها بسرعه
دينا= يا ستي بكره تعشقيها كمان انا هعرفك على الشله و هتبقي واحده مننا
ايمي = متكلميني على الشله دي شويه
دينا= يا ستي احنا اربعه بس.. انا و قمر على ما تفرج و ....
ايمي=ههههههه قمر على ما ايه ؟؟ههههههه
دينا= على ما تفرج يا بنتي اصلها ملهاش من القمر غير الاسم
ايمي= ههههههه .. و مين كمان ؟؟
دينا= و عندك كمان احمد الكينج... و ...
ايمي= احمد جارنا ؟؟؟؟؟
دينا= ايوه يا ستي احمد جارنا .. هو ده الكينج بقى و في كمان .....
ايمي= استني .. ليه يعني سميتوه الكينج ؟ ده حتى شكله شحات .. هاهاهاها
-- احمد جي على السيره
احمد= مين ده الي شحات يا بت
-- ايمي وشها ضرب احمر و سكتت
دينا= هههههههههههه انت يا كينج هههههههه
احمد= بتضحكي على ايه يا هبله؟؟ بس.. قلولي بقى دخلتو اول محاضره؟؟
دينا= يس اوف كورس.. ايه انت فاكرنا زيك ؟
احمد= طيب هاتي الكاشكول عشان اصوره
دينا = منين يا حسره انا مكتبتش ولا حرف.. شوف ايمي هي الي مبطلتش كتابه خالص
احمد باصص لايمي من فوق مناخيره..
احمد=هاتي كشكولك طيب اما نشوف
ايمي= ايه يا عم انت مبتعرفش اختراع اسمه بليز او من فضلك اي حاجة يعني
احمد= خلصي بقى انا مش فاضي لدلع البنات ده
ايمي= طيب ايه رايك انى مش هديك حاجه
احمد= اما انتى بنت اومليت صحيح
دينا= اومليت ههههههههههههه
ايمي= متحترم نفسك بقى لو سمحت دي حاجه تخنق اوف
احمد = طيب باحترام اهو .. هاتى الكشكول يا قطه
ايمي= قطه اما تخربشك
دينا = اديهوله يا بنتي بدل مياخده بالقوه
ايمي= و على ايه الطيب احسن خد يا سيدي
احمد فتح الكاشكول و بص فيه شويه و قفله و رماه على الطرابيزه ..
احمد= بزمتك ده خط ؟؟ ايه ده يخربيت كده
ايمي= الله انت مالك و مال خطي اما انت بني ادم غريب بجد
احمد= ده مش خط اصلا.. تصدقي امى عندها فرخه بتكتب احسن منك
دينا=هاهاهاهاها هي امك بقى عندها فراخ دلوقتي ههههههههه
احمد= بطلي ضحك يا هبله.. قوليلي صحيح فين هشام و قمر؟
دينا= هشام مجاش
احمد = و قمر؟
دينا= مجتش
احمد = يبقى اسمها مجمش ..تموتي في الرغي انتى .. ايه العبط ده
دينا=هههههههههههههههه
احمد= و الله انتى هبله .. بصي انا همشي عشان مستعجل كلميهم و قوليلهم بكره في حفله هنروحها كلنا
دينا= وااااااااااااااااو بحب الحفلات موت
على فكره يا كينج ايمي هتبقى معانا في الشله
احمد= اوك بس خليها تحسن خطها الاول
واستنوا بقا الحلقة الجاية | |
|
عفريت النت
عضو بيحاول
عدد المساهمات : 64
تاريخ التسجيل : 08/10/2008
| | موضوع: رد: الحلقة التانية من يوميات احمد وايمى الخميس 04 يونيو 2009, 3:45 am | |
| هههههههههههههه حلوة اوى تسلم الايادى | |
|
