frawla
عضو عالزيرو
عدد المساهمات : 10
تاريخ التسجيل : 01/06/2009
 | موضوع: الحلقه التالته من يوميات احمد وايمى  الثلاثاء 02 يونيو 2009, 2:40 am | |
|
اليوم التالت
========
الساعه 4 العصر دينا و ايمي و هشام و قمر مستنين الكينج من نص ساعه ..
ايمي= صاحبكم ده غريب اوى.. و شايف نفسه ازاي يلطعنا كده في الحر ده
دينا= طبعا يا بنتي شايف نفسه مش الكينج
ايمي= كينج على نفسه بقى انا خمس دقايق و همشي
قمر=كينج على الشله كلها و الي مش عاجبه يمشي
هشام= خلاص يا بت منك ليها اهو احمد وصل
ايمي= بجد هو فين ؟؟؟؟؟؟؟؟
هشام = هناك يا بنتي العربيه السوده
احمد= هاي يا جماعه اخباركم ايه اركبو يلا
و في العربيه
قمر= اتاخرت ليه يا كينج؟ على فكره انت واحشنى
احمد= انتى اوحش يا بت
ايمي= ههههههههه
قمر= بتضحكي على ايه
ايمي= ههههه مفيش
دينا= قمر كبري دماغك الكينج عمره مهيفكر فيكي
قمر= اتلهي يا جزيره تموتي في الفضايح
احمد= و ربنا لو مسكتو لكون منزلكم هنا
دينا= خلاص يا برنس حرمت اهو هنكتم
احمد= ايه رايك في الوجه الجديد يا هشام؟
هشام= قمر على حق بقى بنوته زي العسل
ايمي= ميرسي كلك زوق
هشام= ميرسي على ايه يا قمر دي الحقيقه انتى تستاهلي اكتر من كده
ايمي= مش عارفه اقولك ايه
هشام= قولي انك هترقصي معايا في الحفله
ايمي= بس انا مش بعرف ارقص
دينا= ال يعني هو اللي بيعرف ده بيتنطط و يتزقطط بس ههههههه
هشام = انا هعلمك متشغليش بالك بالهبله دي
ايمي = اوك اتفقنا
احمد= ايه يا هشام انت هتسبل و لا ايه انتو هتقعدوا تحبو في بعض
هشام = ايه يا كينج انا شامم ريحة حسد
احمد= حسد ؟؟؟؟؟ طيب ايه رايك بقى ان مفيش حفلات هاه
هشام= خلاص يا عم خلاص
ايمي= هو انت دايما كده يا احمد
احمد= كده ازاي بقى انتى كمان ؟
ايمي= انت ليه عصبي كده و لسانك طويل؟؟؟
احمد = انا كده اللي مش عاجبه يولع في نفسه بقى
ايمي= انت شايف نفسك اوى يا رب تولع انت بس في يوم حر و ياريت الميه تكون مقطوعه
دينا=هههههههههه ده غل بقى و حقد حرام عليكي ده الكينج عسول بس يا رب يقطع لسانه هيبقى تحفه
احمد= دينا اسكتي انتى و انتى يا ايمان متعديش حدودك انتى متعرفنيش اصلا
هشام= خف شويه يا كينج دي ايمي بقت مننا خلاص
احمد= ايه يا عم هو انا قلت حاجه
دينا= هو احنا رايحين حفله صح ؟؟
كلهم= ايوه ليه ؟؟؟
دينا = طيب انكتمو بقى سيبو النهار يعدي على خير
في الحفله=
احمد و قمر و دينا قاعدين ..احمد هيطق عشان هشام اول مدخلو خاد ايمي و بيرقصو
دينا= بص يا كينج هشام و ايمي شكلهم لايقين على بعض اوى
احمد= ارحمي امي من رغيك ممكن
دينا= ايه يا كينج مخنوق من ايه مالك ؟؟؟
قمر= قوم ترقص معايا و الخنقه تروح
دينا= هتروح فين يعني ؟؟؟
احمد= فككم مني انا مش مخنوق اصلا.. بس الميوزك مش حلوه
دينا=هاهاهاهاهاهاو الله انا فاهماك و عارفه مالك
احمد= مليش يا دينا خلاص لمي لسانك بقى
دينا = والله وقعت يالي في بالي
قمر= تقصدي ايه ؟؟؟؟
دينا = هههههه مفيش انا هقوم ارقص
احمد=خديني معاكي...
هشام= خلاص يا ايمي تيجي نقعد؟؟؟
ايمي= زي متحب
احمد= ايه يا برنس احنى خنقناك ولا ايه
دينا= اذا حضرت الملائكه هربت الشياطين
هشام= لاء خالص بس ايمي مش عايزه تتاخر اكتر من كده ..انا هوصلها
ايمي= اه كده الوقت اتاخر
و كده هشام و ايمي روحوا مع بعض و بقية الشله رجعت تقعد و تشرب حاجه ساقعه
احمد= انا عندي صداع و زهقت انا همشي
دينا= يا حراام انت صدعت يا كينج ههههه
احمد= دينااااا و ربنا نص كلمه تانيه هكون مرتكب فيكي جنااااايه
و كده دينا اتكتمت و قمر طبعا اتصدمت و الحفله اتفرتكت
الساعه 12.00 بالليل احمد لسه داخل اوضته فتح البلكونه فشاف ايمي قاعده في اوضتها على الجهاز ..فقام عمل نفسه بيفتح البلكونه و عمل هيصه تصحي اهل الكهف فبصت له و ابتسمت و رجعت لشاشه تاني فصفر لها و طلعت البلكونه=
احمد= مساء الخير ايمي
ايمي =مساء النور
احمد= ايه لسه منمتيش ؟؟
ايمي= زي ما انت شايف اهه
احمد= انتى قاعده على النت صح ؟
ايمي= ايوه ليه ؟؟
احمد= مفيش... بسال بس..ق ق قوليلي ...معاكي الايميل بتاع دينا؟؟
ايمي=.... لاء لسه مخدتهوش
احمد=تحبي اديهولك
ايمي= اوكي ياريت
احمد= اوكي ثواااااانى
راح خاد ورقه و كتب عليها ايميله و حط وسطها عصايا و رماها لايمي
احمد= ده ايميلي ضيفيني و انا هديكي ايميلات الشله كلها
ايمي=هههههههه ماشي يا كينج
احمد= بتضحكي على ايه يا هبله؟؟؟؟؟
ايمي= و لا حاجه يا عبيط
احمد= عبيط عبيط ..انجري بقى و روحي ضيفيني بدل بهدلتنا في البلكونات
ايمي= اوكي....يلا باي مؤقت
احمد= باي يا قطه
ايمي= قطة ؟؟؟؟ ماشي
| |
|
عفريت النت
عضو بيحاول
عدد المساهمات : 64
تاريخ التسجيل : 08/10/2008
| | موضوع: رد: الحلقه التالته من يوميات احمد وايمى الخميس 04 يونيو 2009, 4:14 am | |
| تسلم ايدك يا احلى فراولاية حلوة مووووووز | |
|
