حوار مع فرخه مهمه

حوار مع فرخه مهمه
حوار مع فرخه مهمه Get-6-2008-hy9xi6e8pkv

طبعا الكل عارف النجمة الفرخة اللامعة اللي عملت أغنية ( إدبحني يا معلم ) اللي نزلت على نجوم إف إم من فترة قريبة
بل و على قنوات الراديو كلها تقريبا .
إنطلاقاً من الشهرة اللي حققتها الأغنية دي قامت شركة ( روتانا فور تشيكن ) بإرسال طاقم من الغربان مكوّن من مذيع

حوار مع فرخه مهمه Get-6-2008-f6pdp1nlyhp

حوار مع فرخه مهمه Get-6-2008-f6pdp1nlyhp

و عدد من المصورين و ذلك لإلقاء الضوء أكثر على نجمتنا الساطعة .
المهم راح الطاقم ده متوجه إلى مزرعة الدواجن اللي الفرخة عايشة فيه وراح المذيع مخبط على باب العشة
تك تك تك تك

النجمة فتحت الباب و بصت فاتخضت راحت قافلة الباب بسرعة

حوار مع فرخه مهمه Get-6-2008-8qd9ez8woov

حوار مع فرخه مهمه Get-6-2008-8qd9ez8woov

المذيع : حضرتك متخافيش إحنا جايين لحضرتك من شركة ( روتانا فور تشيكن ).
النجمة : و الله ؟ . طب ثواني .
و راحت نجمتنا فاتحة الباب و دخلت الطاقم .

حوار مع فرخه مهمه Get-6-2008-6oefd6xenlt

حوار مع فرخه مهمه Get-6-2008-6oefd6xenlt

النجمة : إتفضلوا إرقدو عل البيض لغاية لما أجيبلكوا حاجة تشربوها .
المذيع : لأ مفيش داعي حضرتك , إحنا جايين نعمل مع حضرتك إنترفيو مش أكتر .
النجمة : لأ اتفضلوا براحتكو . إسألوني اللي إنتو عايزينه .
المذيع : أولاً , ممكن نجمتنا تعرف نفسها للجمهور .
النجمة : كوكي
المذيع : ممكن الإسم الثلاثي معلش ؟ .
النجمة : كوكي بيض الخزين مسلوق .
المذيع : و بالنسبة للمؤهل الدراسي ؟ .
النجمة : ليه الإحراج ده بقة , للأسف مفيش , بس بعرف أقرا و أنكش .
المذيع : و هل ممكن تقوليلنا عن سنّك ولا ده سرّ من أسرار النجوم ؟
النجمة : عندي 31 شهر .
المذيع : طبعا إحنا عارفين إن كل نجم و ليه هوايات , فإيه هيّا هواياتك ؟ .
النجمة : الصراحة معنديش غير هواية واحدة و هي في نفس الوقت موهبة . الحمد لله بكاكي حلو أوي .
المذيع : و يا ترى بتحبي تكاكي لمين ؟
النجمة : بحب أكاكي للفنان ( كتكوت الصغيّر ) اللي إشتهر بأغنية ( العلف العلف العلف ) .

حوار مع فرخه مهمه Get-6-2008-5z0awoyiidn

حوار مع فرخه مهمه Get-6-2008-5z0awoyiidn

المذيع : ممكن نجمتنا تقولنا إزاي دخلت الفن من أوسع أبوابه ؟ .
النجمة : و الله أنا كنت مقدمة في ( فراخ أكاديمي ) في المنوفية و كسبت الحمد لله بفضل ربنا أولا و الجمهور .
المذيع : و إيه تعليقك على فنانات الوقت الحالي من حيث الأداء و المظهر .
النجمة : الأداء زفت . أما بالنسبة للمظهر فأنا بتمنى إنهم يتحشموا شوية في الريش اللي بيلبسوه .
المذيع : و بالنسبة للفنانين .
النجمة : نفس الكلام برده , بلاحظ إن كل ديك يطلع يغني يجيب حواليه ميت فرخة مودلز بريش خليع و حركات
تخلّ بالعرف .
المذيع : في نهاية الحوار عايزين نجمتنا تقول كلمة للجمهور .
و فجأة دخل صاحب المزرعة و ف إيده سكينة , راحت الفرخة بلعت ريقها
و قالت : أتمنى إن جمهوري العزيز يفتكرني بالخير , وسلام بقة عشان رايحة أصور الكليب .
حوار مع فرخه مهمه Get-6-2008-hy9xi6e8pkv

المهم بعد يوم إنتشر خبر وفاة نجمتنا على جميع القنوات اللي بتطير و الأرضية و عم الحزن عل الجميع.
و واجب علينا إننا نقرالها الفاتحة
و عل العموم بالهنا و الشفا للي كلها
و بقوله اللي ياكل لوحده يزور

والفرخه دي بتبيض ولا بتكاكى

الاتنين ولا انت شايف ايه