عدى يا ليلة

لا عفوا متعديش انا محتاجلك انت عمرى انت مستقبلى انت رصيدى انت محسوبة عليا انت السعادة او الندم ليا

يا ليلة انت الليلة الكام فى عمرى وباقى كام من عمرى وياترى قربت ايام النهاية ولا لسه بدرى

يا ليلة انا محرج من ربنا اوى وحيائى من ذنبى هيقتلنى وكل ما افتكر انى عصيته وهوه سترنى أقول شكرا يارب انت ارحم بى من امى

يا ليلة هقولك على ليالى وكان نفسى فى ليالى وأملى ان ربنا يرحمنى ويغفرلى

فـــــــــــــــــــى ليـــــــــــــــــــــلة من ذات الليالى:-

- فتحت النت وبعينى شوفت واتصفحت وقلبت والشيطان بيقولى شوف كمان متع عينك كمان وكمان فرصة مفيش حد شايفك ونسيت يا ليله من لا يغفل ولا ينام الذى لا تدركه الابصار وهو يدرك الابصار شافنى وكانه بيقولى ليه يا عبدى اما تستحى من نظرى اليك اجعلتنى اهون الناظرين اليك وياليله اعطانى فرصه وسترنى ولم يفضحنى وقال عد الى يا عبدى فليس لك رب غيرى

- وفى مرة ع الشات دورت واتعبت فى البحث عن بنات وفى النهاية اتعرفت على بنت وقولتلها احلى كلام وهات يا حب وغرام كان الوقت متأخر والفجر قرب وربنا تنزل فى الثلث الاخير من الليل ونادى على عبيده هل من تائب - وانا على الذنب قائم-
هل من سائل -وانا فى غمار الحب هائم- هل من مستغفر -وانا للشيطان طائع- وبرضه نادى على عد يا عبدى الى كفاك عصيانا لى اما تعلم انى الملك فكيف تجرأت على

- وفى ساعة من ساعاتك يا ليله دخلت على جروب فى شات وكان الكلام سب وخصام وقلة أدب كمان قلت لنفسى ساعتها ما تقول انت كمان همه الجماعه لهم لسان وانت المحروم من الكلام وفردت العضلات وسمعتهم احلى كلام من باب المصريين اهمه مع انى عارف انى حبيبى محمد صلى الله عليه وسلم مكنش كده كان عف اللسان جميل الاسلوب رائع العبارات لا يخاطب احدا بالسوء فى وجهه ولا من خلفه استحيت من النبى اوى ياترى لما اقابله على حوضه الشريف يوم القيامه هقوله ايه لما يقولى كده شوهت دينك بسوء اسلوبك

- وفى ليلة وقدام المراية اخدت ساعات المع وش اظبط حواجب اسرح شعر طويل وجميل واضع جل واحيانا ميكب خفيف جدا لا عفوا مش زى البنات اقل بكتير عديتى يا ليلة مع انى لما فكرت بعمل كده ليه باتشبه بقصة شعرى بغيرنا ليه بجمل فى نفسى اوى كده ليه كل ده علشان المعجبات مع ان جمال الروح والشخصيه واحترام الانسان لنفسه واعتزازه بقيمه ومبادؤه هو الاجمل والاحسن وساعتها قلت فى حزن انا للدرجه دى بعيد عن هدى سيدنا محمد صلى الله عليه وسلم ياترى لما اقابله وانا كده هيكون فخور بيا ولا لاء

وحـــــــــاجـــــــــــات كتيرة اوى يا ليله علشان كدة بقــــــــــــولك ارجوكى متعديــــــــــش

كان نفسى يا ليله فى ليله :-

- استنى افضل الاوقات فيكى لما ينادى عليا الرحيم قوم يا عبدى وقف بين يدى يااااااااااااه من بين كل البشر اخترتنى احمدك ازاى اشكرك ازاى ما اعظمك ما ارحمك ما احلمك ووقفت بين ايديه وبكت عينى من هيبته ورق قلبى لذكره وخشعت جوارحى لعظمته وسالته الجنه وجوار حبيبى فيها وتعوذت به من النار وسالته صلاح امرى كله واستغفرته من كل ذنوب الليالى الماضية فياترى يا مولاى اغفرت اعفوت اسامحت اقبلت حسن ظنى فيك يارب انك لن تخذلنى لانى بجد مليش غيرك

مــــــــــــا من يوم يأتى الا وينادى عليك يا حبيب قلبى ويقول لك يا ابن ادم انا خلق جديد وعلى عملك شهيد فاغتنم منى فانى
لن اعود الى يوم القيامه

يا حبيبى عندما تقرأ كتابك يوم القيامه اما ان تقول الحمد لله انى فهمت قضيت الوجود واطعت الله ربى الواحد المعبود او تقولى ياليتنى ما عصيته يا ليتنى ماسودت صحائف الاعمال بمخالفته

يا حبيبى ان كانت الدنيا تفنى وتزول والعمر ينتهى ويمضى وندخل غدا الى القبور فياريت نستعد ولا نخدع بوسوسة الشيطان وغرور الدنيا

حبيبى الجنة مشتـــــــــاقه لك والحبيب فى انتظارك والسعاده الابديه لو حوزتها بجد هنيالك

فى النهايه لما تحب تقول عدى يا ليله ياريت تقولها بعد ان تكون قد اضفتها الى رصيدك من الحسنات ساعتها وبقلب جامد قول

عــــــــــــــــــــــــــــدى يا ليلة

مع تحيات ايهاب الابيض مش حسن الاسمر
بجد بحبكم اوى واتمنى لى ولكم سعادة الدنيا والاخرة


منقول

ميرسى لييييييييييييييييييييييك يا احمد ده من ذوقك

ميرسى ليكى يا قمر

ميرسى لمروركم وذوقكم