كناريا الجامد
عضو متمرس
عدد المساهمات : 2128
المزاج : زى الفل
تاريخ التسجيل : 02/04/2008
 | موضوع: الحلقه الرابعه من قمر الصعيدى والبنت الاستايل  الأربعاء 16 يوليو 2008, 5:59 pm | |
|
قمر دخل لقى اتنين اعدين مكانه هو ونور
دي كانت نهاية الحلقة اللي فاتت يا شباب
ويارب الحلقة دي تعجبكم ومطولهلكم شوية اى خدمه عدوا الجمااااااايل بس
قمر : ايه يا كابتن انت وهو انا حاجز المكان ده من بدري
انت حاجز صالة ولا بلكون
قمر : لأ حاجز حمام يا خفيف
هو انت فاكرني شاي ولا ايه
قمر : ايوة شاي ومتاخدش في ايدي غلوة كمان
انت باين عليك متعرفش الكابو هيثم
قمر : وانت باين عليك متعرفش قمر الدين ابن عم هريدي عمدة القرية
ههههههههههههههههههههههههههه
قمر: بتضحك على ايه يا ابن الدذمة
ودخل قمر في عراك وكأنه عراك بين الديوك ونور مش عارفة تعمل ايه
غير انها جابت النوت بوك بتاعها وفضلت تضرب مع قمر
قمر : اي اي ايه يا نور دي دماغي انا
نور : سوري يا قمر مكنش قصدي بجد
قمر : اخرجي انتي برا وايه الجلم الرصاص اللي بتضربي بيه ده
نور : انا لازم اموته لازم اكسره
وفجأة
دخل الدكتوووووووووور
الدكتور : في ايه يا ابني انت وهي وهو
قمر الدين : هجطعه
الدكتور : تقطع مين يابني ...احنا في جامعة
قمر : جامعة مش جامعة هجطعه
نور : ايوة احنا هنجطعه
الدكتور : تعالوا برا انت وهي
قمر : لأ والنبي يا داكتور الجو ساجعة برا جوي
الدكتور : اطلع بقولك
نور : يلا ياقمر يالا
قمر : يلا ايه وزفت ايه ...هو احنا رايحين نتفسح
وطلعوا يا عيني هما الاتنين ولسوء حظ قمر انه برضه محضرش المحاضرة دي كمان
قمر : انا مروح يا نور
نور : لأ خليك اعد معايا شوية
قمر : لأ يا نور انا مروح
نور : انا عايزة اتكلم معاك
قمر : بكرا ان شاء الله نتكلم كتير...ماهو كده كده مش هحضر بكرا برضه
نور : انت بتحب الماحضرات ليه ياقمر
قمر : انا جاي مصر عشان اتعلم يا نور مش عشان اتنزه
نور : انا عارفة انك شاب مش فاضي من جواك
قمر : ربنا يخليكي يا نور
نور : اي نعم انت مش مهتم بمظرك...ومش بتسرح شعرك حلو...بس حاسة انك وسيم اووي
قمر : ماتجولي معفن احسن يا ست نور
نور : انا مش اقصد خالص
قمر: ولا تقصدي...انا جيت مصر غلط من اساسه دي مش بيئتي ولا دي حياتي
نور : انا اسفة
قمر : انا اللي اسف ....عن اذنك
وبعد ما قمر مشي نور مشيت هي كمان وكانت زعلانة جدا من كلامها معاه ولو انها مكنتش تقصد بس قمر حساس حبتين
نور حاولت تتصل بقمر عن طريق جارته
نور : الو ممكن اكلم قمرالدين جار حضرتك
الجارة : قمر الدين مين يا انسة
نور : قمر جارك
الجارة : اااه تقصدي قمر قمرى مورى مورى
نور : انتي مسمياه كده
الجارة : هو بيحبني اووي اقوله كده
نور : طيب كويس ممكن تناديه
الجارة : قمر قمر قمر قمر
قمر قمر قمر قمر
قمر : سلام قولا من رب رحيم..اختشي يا ولية على دمك بجى في حد يخبط على حد الساعة عشرة بالليل
الجارة : يووه ايه يا قمورى ..انا خضيتك ولا ايه...طيب تعالى في حضن ماما تعالى
قمر : اخلصي يا ست عاوزة ايه مني وليه بتخبطي في وقت زي ده
تليفون عاوزك
قمر: والتليفون عاوزني في ايه
هههههههههههههههه جتك ايه يا قمورى يا سكر
اقصد حد عاوزك على التليفون
قمر : ابوووووووويا جراله ايه انطجي قولي
لأ لأ ده صوت واحدة
قمر : امي امي اما مالها مالها
الجارة : ده صوت جثة
قمر: ههههههههههههههههههههههه
قمر : والجثة هتتكلم ازاي يا ام مخ تاخين
تعالى ورايا ياقمورى وانا اخليها تنطق وتتكلم
قمر : طيب يا وش المصايب
نور سمعت ضحك قمر ويا جارته دي ...وقفلت السكة
قمر : الو الو ...الو الو
قمراحمد : هههههههههههههههههههههههههه
قمر : الجثة مش راضية تنطق...ده باين كده الجثة ماتت
هههههههههههههههههههههههههههههههههه
ونكمل الحلقه اللى جايه | |
|
sasso the best
عضو متمرس
عدد المساهمات : 4594
تاريخ التسجيل : 05/04/2008
| |
بلاليكا
عضو مجتهد
عدد المساهمات : 285
تاريخ التسجيل : 03/06/2008
| |
Mr. Haitham Hafez
::::مدير الموقع::::
عدد المساهمات : 5156
المزاج : الحمد لله
تاريخ التسجيل : 26/03/2008
| | موضوع: رد: الحلقه الرابعه من قمر الصعيدى والبنت الاستايل الخميس 11 سبتمبر 2008, 7:55 pm | |
| | |
|
