فى يوم من الايام كنت قاعد مع نفسى ولقيتنى عمال ادندن واقول (مصر هتفضل غالية علينا )..(مصر هتفضل غالية علينا ) وفجاة لقيتنى بسال نفسى هى مصر فعلا غالية عليا ولا ده كلام فى الهوا وخلاص مخبيش عليكوا
انا شكيت فى حبى ليها لكن بعد دقايق افتكرت شىء اقل ما يقال عنه انه تافه خصوصا لوكنا بنتكلم عن حب الاوطان
افتكرت ايام مصر ما كانت بتلعب فى غانا وقد ايه اعصابى كانت بتتحرق مع كل مباراة وده لانى بحبها ومش عايزها
تنهزم وعايزها تفوز على طول ... الموقف ده طبعا زى ما قلت تافه جدا جدا جدا لوكنا بنتكلم عن حب الوطن.....
حب الوطن اللى لو فقدناه نبقى فقدنا حاجات كتير انا عندى كلام كتير عايز اقوله لكن انا عايز الموضوع ميكونش
طويل علشان نفسى كل الاعضاء يقروه ويردوا عليه انا عارف ان فيه بطالة انا شاب وعارف اللى بيعانى منه الشباب اللى زى وعارف ان البلد حالتها صعبة وبتمر بمرحلة صعبة جدا من تاريخها لكن زى ما المرحلة صعبة برضه عايزة شباب وبنات بيحبوا البلد بجد مش كلام وخلاص واغانى وكلام فاضى... السؤال اللى بساله لنفسى ولكل اعضاء المنتدى الموقر من الجنسين شباب وبنات (انت بتحب مصر بجد ولا اهو كلام وخلاص؟) انا حطيت الموضوع ده فى منتدى كلمات الحب لانه وببساطة اللى ميقولش كلمة بحبك لبلده يبقى كداب لو قالها لحد تانى افيدونى افادكم الله
حتى لايصبح حبها دخانا يطير فى الهواء....... وللحديث بقية ان شاء الله
الخميس 18 سبتمبر 2008, 7:51 am
