| | رباعيات صلاح جاهين وعجبى |  |
|
+3gersy سيمو وانتيمو فراشة الحب 7 مشترك |
| كاتب الموضوع | رسالة |
|---|
فراشة الحب
عضو خبرة
عدد المساهمات : 1031
تاريخ التسجيل : 10/04/2008
| موضوع: رباعيات صلاح جاهين وعجبى  الأربعاء 16 أبريل 2008, 6:57 am | |
| نبذة عن العبقرى صلاح جاهينمحمد صلاح الدين بهجت أحمد حلمي ، المشهور بـ صلاح جاهين (25 ديسمبر1930 - 21 إبريل1986 م) شاعر ورسام وممثل وموسيقي مصري يساري الفكر. نشأتهولد في شارع جميل باشا في شبرا. كان والده المستشار بهجت حلمى يعمل في السلك القضائي، حيث بدأ كوكيل نيابة و إنتهى كرئيس محكمة استئناف المنصورة.درس الفنون الجميلة ولكنه لم يكملها حيث درس و الحقوق.حياتهتزوج من الفنانة منى قطان، و أنجبا ابنه بهاءأعمالهأنتج العديد من الأفلام التي تعتبر خالدة في تاريخ السينما الحديثة مثل أميرة حبي أنا و فلم عودة الابن الضال، و لعبت زوجته أدوار في بعض الأفلام التي أنتجها. عمل محررا في عدد من المجلات و الصحف، و قام برسم الكاريكاتير في مجلة روز اليوسف و صباح الخير ثم إنتقل الى جريدة الاهرام.كتب سيناريو فلم خلي بالك من زوزو و الذي يعتبر أحد اكثر الافلام رواجا في السبعينيات إذ تجاوز عرضه حاجز 54 اسبوع متتالي. كما كتب أيضا أفلام أميرة حبي أنا ، شفيقة ومتولي و المتوحشة. كما قام بالتمثيل في شهيد الحب الإلهى عام 1962 و لا وقت للحب عام 1963 و المماليك 1965.إلا أن قمة أعماله كانت الرباعيات التي كان يحفظها معظم معاصريه عن ظهر قلب و التي تجاوز مبيعات احدى طباعات الهيئة المصرية العامة للكتاب لها اكثر من 125 الف نسخة في غضون بضعة ايام. هذه الرباعيات التي لحنها الملحن الراحل سيد مكاوي وغناها الفنان علي الحجار والتي تجدونها على هذا الرابط لموقع الفنان علي الحجارعلاقاته الفنيةينظر البعض الى جاهين على أنه متبنى علي الحجار، احمد زكي و شريف منير. كما أرتبط بعلاقة قوية مع الفنانة سعاد حسنى حيث دفعها الى العمل مع أحمد زكي في مسلسل هو وهي.جاهين و السياسةكان حركة الضباط الاحرار و ثورة 23 يوليو 1952، مصدر إلهام لجاهين حيث قام بتخليد جمال عبد الناصر فعليا بأعماله، حيث سطر عشرات الاغاني. لكن هزيمة 5 يونيو 1967م، خاصة بعد أن غنت أم كلثوم أغنيته راجعين بقوة السلاح عشية النكسة، أدت الى أصابته بكآبة. هذه النكسة كانت الملهم الفعلي لأهم أعماله الرباعيات و التي قدمت طروحات سياسية تحاول كشفت الخلل في مسيرة الضباط الاحرار، و التي يتعبرها الكثير أقوى ما أنتجه فنان معاصر.منقول | |
|
| | |
فراشة الحب
عضو خبرة
عدد المساهمات : 1031
تاريخ التسجيل : 10/04/2008
| | موضوع: رد: رباعيات صلاح جاهين وعجبى الأربعاء 16 أبريل 2008, 6:58 am | |
| واليكم رباعيات العبقرى صلاح جاهين
]حاسب من الاحزان و حاســـــــب لها
حاسب علي رقابيك منحبلـــــــــــها
راح تنتهي و لابد راح تنتهــــــــــي
مش انتهت أحزان منقبلهــــــــــا؟
عجبي !!!
يأسك و صبرك بين إيديك و انت حر
تيأس ماتيأس الحياه راح تــــــــمر
أنا دقت مندا ومندا عجبي لقيــــــت
الصبر مر وبرضك اليـأس مـــــــر
عجبي !!
ولدي نصحتك لما صوتياتنبــــــــــــح
ما تخفش من جني و لا من شبـــــــــح
و ان هب فيك عفريتقتيل إسألـــــــــه
ما دافعش ليه عن نفسه يوم ما اندبح
عجبي !!
ولديإليك بدل البالون ميت بالــــــون
انفخ وطرقع فيه علي كل لـــــــــــون
عساكتشوف بعينك مصيرالرجــــــال
المنفوخين في السترة و البنطلـــــون
عجبي !!!
خوض معركتها زي جدك ما خــــاض
صالب و قالب شفتكبامتـــــــــــعاض
هي كده...ما تنولش منها الأمـــــــل
غير بعض صد وردووجاع مخاض
عجبي !!!!
كام اشتغلت يا نيل في نحت الصخور
مليون بئونه والف مليون هاــــتور
يا نيل أنا ابن حلال و من خلفتــــــك
و ليه صعيبه عليبس الأمــــــــور
عجبي
عدل سابقا من قبل فراشة الحب في الأربعاء 16 أبريل 2008, 7:11 am عدل 1 مرات | |
|
| | |
فراشة الحب
عضو خبرة
عدد المساهمات : 1031
تاريخ التسجيل : 10/04/2008
| | موضوع: رد: رباعيات صلاح جاهين وعجبى الأربعاء 16 أبريل 2008, 6:59 am | |
| size=24]وأنا فى الضلام ...من غير شعاع يهتكه
أقف مكانى بخــــوف ولا أتركه
ولما يجىالنـــور وأشوف الدروب
أحتار زياده ..أيهمأسلكه؟؟؟
وعجبى
عجبتنى كلمه من كلام الورق
النور شرق من بينحروفها وبرق
حبيت أشيلها فى قلبى .. قالت حرام
ده انا كل قلب دخلت فيهأتحرق
عجبى
لا تجــــــبر الإنسان ولا تــــحيره
يكفيه ما فــيه من عقل بيحيره
اللىالنهارده بيطلبه ويشتهيه
هوا اللى بكره حيشتهى يغيره
عجبى !!!!!ا
الدنيا أوده كبيره للأنتظار.....
فيها أبن آدم زيه زي الحمار......
الهم واحدوالملل مشترك............
ومفيش حمار بيحاول الأنتحار..........
عجبي
ضريح رخام فيه السعيد اندفن
و حفره فيها الشريد من غير كفن
مريتعليهم .. قلت يا للعجب
لاتنين ريحتهم لها نفس العفن
عجبي !!
كان فيه زمان سحليه طول فرسخين
كهفين عيونها و خشمها بربخين
ماتتلكين الرعب لم عمره مات
مع إنه فات بدل التاريخ تاريخين
عجبي !!
أنا قلبى كوره ...والفراودة أكم
ياما اتنطح وانشاط ..وياما اتعكم
واقولله كله حينتهى فى الميعاد
يقول بساعتك؟ ولا بساعت الحكم؟
عجبى!!!!!ا
قالوا الشقيق بيمص دم الشقيق...
والناس ما هياش ناس بحقوحقيق........
قلبي رميته وجبت غيرو حجر......................
داب الحجرورجعت قلبي رقيق..........................
عجبي!!!!
أحب أعيش ولو أعيش في الغابات...
أصحى كما ولدتني أميوأبات...........
طائر حوان حشرة بشر بس أعيش......
ما أحلا الحيات حتى فيهيئة نبات...........
عجبي!!!!
سهير ليالى وياما لفيت وطفت
وف ليله كنت راجع قمت شفت
الخوف كئنه كلب سدالطريق
كنت عايز اقتله بس خفت
********
الارض شوك أيوه لكين هايش
والحمرة مش يعنى الطريق حايش
دى دمنا السيال . وبشره خير
أن انتى عايشه .و ان انا عايش
غمست سنك في السواد يا قلم
علشان ما تكتب شعر يقطر ألم
مالك جرالك ايهيا مجنون..و ليه
رسمت وردة و بيت و قلم و علم
وعجبي
عدل سابقا من قبل فراشة الحب في الأربعاء 16 أبريل 2008, 7:10 am عدل 1 مرات | |
|
| | |
فراشة الحب
عضو خبرة
عدد المساهمات : 1031
تاريخ التسجيل : 10/04/2008
| | موضوع: رد: رباعيات صلاح جاهين وعجبى الأربعاء 16 أبريل 2008, 6:59 am | |
| اوصيك ياابني .. باليل والزهور
اوصيك.. بليل القاهر المسحور
]وانجيت فيبالك
اشتري عقد فل .. لاي سمره
وقبري اوعاك تزور
وعجبي
يا طير يا طاير في السما ..... طز فيك
ما تفتكرش إن ربنا ..... مصطفيك
أصلك من دود الأرض و ليه تعود
تمص فيه يا حلو و .....يمص فيك
وعجبي
أنا شاب لكن عمري ولا ألف عام......
وحيد ولكن بين ضلوعيزحام...........
خايف ولكن خوفي مني أنا.................
أخرس ولكن قلبيمليان كلام................
عجبي!!!!!!!!
أنا قلبى كوكب وانطلق فى المدار
حواليكى يامحبوبتى يانور ونار
يلف مهمايلف مابيكتفيش
وتمللى نصه ليل ونصه نهار
عجبى !!!!ا
عجبىعلى العجب العجيب العجاب
لما الحقيقه تطل بعد احتجاب
وتروق وتحلا وفجأه تصبحمفيش
كمثل طراطيش بحر ياما خد وجاب
عجبى !!!!!!ا
ليه ياحبيبتي ما بينا دايماً سفر....
ده البعد ذنب كبير لايغتفر.............
ليه يا حبيبتي ما بينا ديماً بحور.......
أعديبحر.... آلاقي غيره اتحفر..........
عجبي!!!!!
وقفــت بـين شــطين على قــنــطرة
الكــدب فين والصـــدق فـينيـاتـــرى
محتار ح اموت ... الحوت خرج لى وقال
هــوا الكـــلام يتـقــاسبــالمسـطره؟
عجبى !!!!ا
**********
يا نجم ...نورك ليه كده بيرتجف؟
هوانت قنديل زيت؟...أو تختلف؟
أنا نجم عالى ...بس عالى قوى
وكل ما انظر تحتاخاف انحدف
عجبى !!!!ا
ورا كل شباك آلف عين مفتوحين ..
وانا وانت ماشيين يا غراميالحزين...
لو التصقنا نموت ....بضربة حجر..........
ولوافترقنا...نموت متحسرين...............
عجبي!!!!!!
دخل الشتا وقــفـل البيبـان ع البـيوت
وجـعل شعاع الشـمس خيطعنكبوت
وحاجات كتير بـتمـوت فى ليل الشتا
لكن حاجات أكـتر بـترفـضتــمـوت
عجبى!!!!!!ا
ياللى انت بيتك قش مفروش بريش
تقوىعليه الريح .......يصبح مفيش
عجبى عليك حواليك مخالب كبار
وما لكش غير منقاروقادر تعيش
عجبى !!!!!!!ا
سمعت نقطه ميه جــوه المحيط
بتقوللنقطه ماتنزليش فى الغويط
أخاف عليكى م الغرق ..... قلت انا
ده اللى يخاف مالوعد يبقى عبيط
عجبى !!!!!!!!1ا
انا كنت شئ وصبحت شئ ثمشئ
شوف ربنا .... قادر على كل شئ
هز الشجر شواشيه ووشوشنى قال :ا
لابد مايموت شئ عشان يحيا شئ
عجبى !!!!ا
عدل سابقا من قبل فراشة الحب في الأربعاء 16 أبريل 2008, 7:09 am عدل 1 مرات | |
|
| | |
فراشة الحب
عضو خبرة
عدد المساهمات : 1031
تاريخ التسجيل : 10/04/2008
| | موضوع: رد: رباعيات صلاح جاهين وعجبى الأربعاء 16 أبريل 2008, 7:00 am | |
| [ياااااحزين ياقمقم تحت بحر الضياع
حزين أنا زيك وإيه مستطاع
الحزن مابقالوشجلال ياجدع
الحزن زى البرد ....زى الصداع
عجبى !!!!!!!
أنا كل يوم أسمع فلان عذبوه...
أسرح في بغداد والجزايروأتوه...
ما اعجبش من اللي يطيق بجسمه العذاب...
وأعجب من اللي يطيقيعذب أخوه...
عجبي!!!!!
أوصيك يا إبنى بالقمر والزهور
أوصيك بليل القاهره المسحور
وإن جيت فى باللك ... إشترى عقد فل
لأى سمرا ... وقبرى إوعك تزور
عحبى !!!!!ا
وقفت ساعه الصبح بغسل سنانى
قالت لى شايف قوتى ولمعانى؟؟؟
إيش تطلب اليوم منىضحكه أسد ؟؟؟
ولا إبتسامه أعلان أمريكانى؟؟؟؟؟؟؟؟؟؟
عينى رأتمولود على كتف أمه
يصرخ تهنن فيه يصرخ تضمه
يصرخ تقول يابنى متنطق كلام
دهاللى ميتكلمش ياكتر همه
عجبى!!!!!!ا
أيوب رماه البين بكل العلل..
سبع سنين مرضان وعنده شلل..
الصبرطيب.........صبر أيوب شفاه..
بس الأكيدة مات بفعلالملل..
عجبي!!!!!!!!!!!!
ياخالق الـــكون بــالحســاب والجــــبر
وخـــــالقنى ماشى بلختياروالجـبر
كل اللى حيلتى زمزميه أمل
وازاى تكفينى لباب القبر؟
عجبى!!!!!!ا
ياللي بتبحث عن إله تعبده..
بحث الغريق عن أي شئ ينجده ..
الله جميلوعليم ورحمن ورحيم.......
احمل صفاته........وانت راحتوجده.......
عجبي!!!!!!!
يـا مشرط ألجـــراح أمـــانه علـــيك
وانت ف حشـايا تبص من حواليك
فيه نقطهسوده فى قلبى بدأت تبان
شيلها كمان ... والفضل يرجع ليك
عجبى !!!!!1ا
كيف شفت قلبي والنبي يا طبيب.....
همد و مات والا سامع لهدبيب............
قاللي لقيته مختنق بالدموع ..................
ومالوش دوا غير لمسه من إيد حبيب...........
عجبي!!!!!!!!
إنسان أيا إنسان ما أجهلك..
ما أتفهك في الكون و ماأضألك...
شمس وقمر وسدوم وملايين نجوم...
وفاكرها يا موهوم مخلوقةلك.............
عجبي!!!!!!!!
أنا قلت كلمة وكان لها معنين
كما بطن واحده وتوأمين زين وشين
لو دنيا شر .... التوأم الخير يموت
ولو دنيا خير... الشر هيعيش منين ؟؟؟
أخطفنى يـاللى تحبنى ع الحصـان
الدنيا قالت يوم فى ماضى الزمان
إخطفنىيـاللى تحبنى ع الفرس
الدنيا قالت ...قام خطفها الشيطان
عجبى !!!!ا
مـا حد فى الدنيا دى واخد جزاته
ولا حد بيفكر فى غيرلذاذاته
متعرفيش يا حبيبتى ..أنا وانتى مين؟
إنتى عروس النيل .....وأنا النيلبذاته
عجبى !!!ا
نسمة ربيع لكن بتكوي الوشوش..
طيور جميلة بس من غير عشوش...
قلوببتخفق.............إنما وحدها.....
هي الحياة كده...كلها فيالفافوش.....
عجبي!!!!!!!
من بين شقوق الشيش وشقشقت لك
مع شهقه العصافير وزقزقت لك
نهار جديد انا.... قوم نشوف نعمليه
انا قلت ياح تقتلنى ...ياح اقتللك
عجبى !!!1ا
حدوتة عن جعران و عن خنفسة..
اتقابلوا حوا بعض ساعة مسا.........
ولاقال لهم حد اختشوا عيب حرام.....
ولا حد قال دي علاقةمدنسة...............
عجبي!!!!!!
مانتاش بتلعب ليه ياروح بابا؟
ولا عسكرى ولا لص فى عصابه ؟
إلعب أسد أو ديبرهيب أو غزاله
دى الدنيا فى نهايه المطاف غابه
عجبى !!!!ا
عدل سابقا من قبل فراشة الحب في الأربعاء 16 أبريل 2008, 7:08 am عدل 1 مرات | |
|
| | |
فراشة الحب
عضو خبرة
عدد المساهمات : 1031
تاريخ التسجيل : 10/04/2008
| | موضوع: رد: رباعيات صلاح جاهين وعجبى الأربعاء 16 أبريل 2008, 7:01 am | |
| [size=24] على بعد مليون ميل من أرضنا..
من الفراغ الكوني بصيت أنا .......
لا شفت فرق بين جبال وبحور.......
ولا شفت فرق ما بين عذابأو هنا....
عجبي!!!!!
حقـــرا وفــوق كـوكب حقـير مـحتقــر
فى الـكون تكون دنيـاكـو إيـه يـابقـر
رملايه من صحرا ؟... لكين إيش تقول
والكـون بـحالـه جـوه عقـلالبــشـر
عجبى!!!ا
دي مذكرات وكتبتها من سنين..
في نوتة زرقا لون بحورالحنين....
عترت فيها..رميتها في المهملات...
وقلت صحيح أما صيح كلاممخبولين..
عجبي!!!!!
عـاد الربيع كـأنه طعم الحـب
والحب نار جوه العروق بتصب
اتمـتع ازاى بيه وانامـ ت ـق ـط ع
من كتر خوفى لا فى الخطيئه يطب
عجبى !!!!ا
أنا اللي بالأمر المحال اغتوى..
شفت القمر نطيت لفوقبالهوا..
طلته ما طلتوش إيه انا يهمني....
وليه ...ما دام بالنشوةقلبي ارتوى.
عجبي!!!!!!
يأسك وصبرك بين إيديك وانت حر
تيــأس مــا تـيــأس الحيــاه راح تمــر
أنـادقت منــدا ومنــدا عجبى لقـيـت
الصـبر مــر وبـرضــك اليـأسمــر
عجبى!!!!ا
علم اللوع اضخم كتاب في الأرض..
بس اللي يغلط فيه يجيبهالأرض.....
أما الصراحة فأمرها ساهل .............
لكن لا تجلب المالولا تصون العرض...
عجبي!!!!!!!
يا باب أيا مقفول ..إمتى الدخول
صـبرت ياما واللى يصـبر ينـول
دقيت سـنين ... والرد يرجع لى :مين ؟
لو كنت عارف مين أنا ..كنت أقول
عجبى!!!!!!!ا
أنا كان لي أب وكان رئيس محكمة..
ستين سنة ..في قضية واحدةأترمى..
ستين سنة وطلع براءة وخرج...............
يشكي الحياة والموتلرب السما ..........
عجبي!!!!!!!
البط شـال عـدى الجبال والبحور
ياما نفسى اهج ...أحج ويا الطـيور
أوصيكيا ربى لما اموت .....والنبى
ما تودنيش الجنة ...للجنة سور
عجبى !!!!!!!!ا
ولو اتضنيت وفنيت وعمري انفرط..
مش عاوز الجأ للحلولالوسط.......
وكمان شطط وجنون ما نيش عاوز...
يا مين يقول لي الصحفين والغلط.....
عجبي!!!!!!
كروان جريح مضروب شعاع م القمر
سقط من السموات فؤاده أنكسر
جريت عليهقطه عشان تبلعه
أتاريه خيال شعراء ومالهوش أثر
عجبى !!!!!!ا
قالو السياسة مهلكة بشكل عام..
وبحورها يبني خشنة مش ريشنعام..
غوص فيها تلقى الغرقانين كلهم............
شايلين غنايم.... والخفيف اللي عام........
عجبي!!!!!!!!!
عدل سابقا من قبل فراشة الحب في الأربعاء 16 أبريل 2008, 7:08 am عدل 1 مرات | |
|
| | |
فراشة الحب
عضو خبرة
عدد المساهمات : 1031
تاريخ التسجيل : 10/04/2008
| | موضوع: رد: رباعيات صلاح جاهين وعجبى الأربعاء 16 أبريل 2008, 7:01 am | |
| r[size=2r]دخل الشتا وقفـل البيبـان ع البـيــوت
وجعل شـعاع الشمس خيطعنكبــوت
وحـاجات كتير بتموت فى ليل الشــتا
لكن حـاجـات أكـتر بـتـرفـضتــمـوت
عجبى !!!!!!ا!
أنا قلت آه..سمعوني قلوا فسد..
ده كان جدع قلبو حديدواتحسد..
رديت على الايمين أنا وقلت ..آه...
لو تعرفوا مني زئيرالاسد.............
عجبي!!!!!!!!
ياملونين البيض فى شم النسيم
لـون الحنين والشوق وخمـر النــديم
ماتـعـرفـوش سـايق علـيكو الــنبى
تــلونـو الأيـــام بـــلونالـــنـــعـــيم
عجبى !!!!ا
بين موت وموت ..بين النيران والنيران..
عالحبل ماشيين الشجاعوالجبان.......
عجبي على دي حياة......وياللعجب........
إزيأنا.....ياتخين..... بقيت بهلوان..........
عجبي!!!!!!
العشب طاطا للناسايم ونخ
أخضر طرى مالهش فى الحسن أخ
عصفور عبيط أنا ... غاوى بهجه وغنا
ح انزل هنا ... وأنشا الله يهبرنى فخ
عجبى!!!!!!ا
أنا إله الوجد رب الهيام.............
أضرب بسهم الوهم وهمالغرام....
وهم الغرام من كتر ما هو لذيذ.......
رشقت أنا ف صدريجميع السهام...
عجبي!!!!!!!!!!!!!
حتة محارة وجدتها فى يـوم لقية
قالت لى شوف كيف الطبيعه شقيه؟
نظرتللكهف اللى فيها ولقيت
إن الطبيعه كمان ...لا أخلاقيه
عجبى !!!!!!!ا
آه لو أنا ومحبوب جزنا الفضا..
في سفينة وحدينا واشيا رضا..
ساعة صفاتعجبنا نرجع لها......
والهم قبل ما بيجي يبقى مضى..
عجبي!!!!!!
ا * يـا نجم ....نورك ليه كده بـيرتجف؟؟؟
هوا انت قنديل زيت ؟...أوتختلف؟؟
ا* أنا نجم عالى ...بس عالى قوى
وكل ما انظر تحت اخافانحدف
عجبى!!!!ا
مزيكه هاديه الكون فيها انــغمــر
وصيف ولـــيل وعقــد فــل وســمر
ياهلترىالناس كلهم مبسوطين
ويا هلترى شايفين جمــال القـــمر
عجبى !!!!!!!
الـمـوج تلول تـــهــبط وتــطلع تــلول
يــابحر خـــدنى الشط صااحبـــكملول
والا بــلاش الشط ح اعمــل بــه ايــه
ده ريحتـــه طحلب مهـــرى وامالخلول
عجبى !!!!!!ا
[/size]
عدل سابقا من قبل فراشة الحب في الأربعاء 16 أبريل 2008, 7:06 am عدل 1 مرات | |
|
| | |
فراشة الحب
عضو خبرة
عدد المساهمات : 1031
تاريخ التسجيل : 10/04/2008
| | موضوع: رد: رباعيات صلاح جاهين وعجبى الأربعاء 16 أبريل 2008, 7:02 am | |
| إيـــديا فـى جيــوبى وقلــبى طــرب
سارح فى غـربــه بس مـش مغترب
وحــدى لكين ونسان وماشى كـده
وبابتعد ...ماعـــرفش ...أوباقــتــرب
عجبى!!!!!ا
نظرت فوق للنجوم وأنا ساير..
رجليا عترت في الحفر والحجاير..
بقيتاقول وأنا ع التراب ..يا سلام..
مش بس عبرة أنا أخدت لكنعباير..
عجبي!!!!!!
عينى رأت مخلوق فى غاية البشـاعة
أنــا قلت لـه لمـا تأمـلتهســاعــه:
الــلذه والمــوت علـــموك الــلزج
وانا علمونى الفلسفهوالشجاعه
عجبى !!!!ا
جالك أوان ووقفت وقفت وجود..
يا تجود بده با قلبي يا بده تجود..
ماحد يقدر يبقى على كل شئ...
مع إن....عجبي....كل شئ موجود...
عجبي!!!!!
يـاللى نصحت الـناس بشـرب النبيت
مع بنت حلوه ...وعود ,وضحك وحديت
مشكنت تنصحهم منين يكسبوا
تمن ده كله ؟؟..زوالا يمكن نسيت
عجبى!!!!!ا
ظهر المسيح الحي على سفح ربوة..
ونزل بهالة الضي.... وقعد فيقهوة.....
بصوا ....تعالوا.....قالوا خليه في حاله...
الناس في حالهميبني..مالهمش دعوة.
عجبي!!!!!!
كل اللى فى الخماره صـابهم جنـون
صـبحوا الرجال يتبـادلو كاس المنـون
وبـدمونبيـت انكتب ع الجـدار
ا(يا ميت ندامه ع اللى قلبـه حنون)ا
عجبى!!!!!!!ا
أنا كل يـوم أسمع ..فلان عذبوه
أســرح فى بغــداد والجزايــر واتــوه
مااعجبش م اللى يطيـق بجســمه العذاب
واعجب من اللى يطيـق يعـذب أخــوه
عجبى !!!!!!!ا
يا وردة قلبي معاكي في الريح لعب..
لا تعبتي م الريح و لا قلبيتعب.......
احنا كدة :نرتاح في صخب الجنون......
و في السكون بنخافقوي و نترعب.....
عجبي!!!!!!!
عدل سابقا من قبل فراشة الحب في الأربعاء 16 أبريل 2008, 7:05 am عدل 1 مرات | |
|
| | |
فراشة الحب
عضو خبرة
عدد المساهمات : 1031
تاريخ التسجيل : 10/04/2008
| | موضوع: رد: رباعيات صلاح جاهين وعجبى الأربعاء 16 أبريل 2008, 7:03 am | |
| عيد ..والعيــال اتنـططوا ع القـبور
لعبــوا استغـمـــاية..ولعبوابـابـور
وبــاللونــات..ونـايلونـــات شـفتـشى
والحــزن ح يروح فين جنبالسـرور
عجبى!!!!!ا
عالجسر فت الصبح تحت الضباب..
بين الي لسه بينغرس و اللي طاب..
مااهتز قلبي لنبت طالع جديد.........
قد الي ماشي...وتحت باطهكتاب......
عجبي!!!!!!!!!
وقفت بين شـطيـن عـلى قـنطرة
الكــدب فين والصــدق فين يــا تـرى
محتار حاموت ....الحوت خرج لى وقال
هو الكلام يتقـــاس بــالمـسـطره؟؟
عجبى!!!!1ا
تسلم يا غصن الخوخ يا عود الحطب..
بييجي الربيع ..تطلع زهوركعجب.....
وانا ليه بيمضي ربيع وييجي ربيع.......
ولسه برضك قلبي حتةخشب...........
عجبي!!!!!!!!!
قـالوا الشــقيق بيـمص دم الشـقيق
والنــاس مــاهيــاش نـاس بحــقوحقيــق
قلـــبى رمـيـتــه وجبت غيــره حجــر
داب الحجــر ...ورجعتقلــبى رقيق
عجبى !!!!!!
ورا كل شباك آلف عين مفتوحين ..
وانا وانت ماشيين يا غراميالحزين...
لو التصقنا نموت ....بضربة حجر..........
ولوافترقنا...نموت متحسرين...............
عجبي!!!!!!
يــاللى عـرفت الحـب يــوم وانــطوى
حســك تقــول مشتــاق لــنبعالهــوى
حســك تقــول مشتـــاق لنبـــع الغــرام
ده الحب......مينداق منه قطره ...ارتوى
عجبى!!!!!!ا
ورد في ورق سلوفان يا حلوة اهديلك؟
و الا انقله بالطين في الشتلة واجيلك
الأولاني لو وحا بحنــــــــــــــــــــــــــاني
عجبي علىالتاني بإيـــهيوحيلـــــــك
عجبــــــــــــــــــــــــــــــــــــــــــــي!! !!!!!
الفيلسوف قاعد يفـــــكر سيبوه
لا تعملوخ ســـــلطان ولاتصلبوه
ما تعرفوش إن الفلاسفة يا هوه
الي يقولوه بيرجعوايكــــــــدبوه
عجبـــــــــــــــــــــــــــــــي!!!!!!!!
سنوات وفــايته عليـا فوج بعد فوج
واحــدة خــدتنى إبن والتــانـيةزوج
والتـالتة أب خـدتنى والــرابعة إيه
إيه يعمل إللى بيحدفه مـوجلمــوج؟؟؟
عجبى؟؟؟؟؟؟!ا
اوقات أفوق ويحل عني غبايــــــــــــا
واشعر كأني فهمت كلالخبايـــــــــا
و افتح شفايفي علشان اقول الدرر
ما أقولش غير حبةغزل في الصبايا
عجبـــــــــــــــــــــــــــــــــــــــي!!!!!!!
نظــرت فى الملــكوت كتـير وانشــغلت
وبكلكلمــة(ليـه؟)و(عشانيه)سألت
اسـأل سوؤال...الرد يرجـع ســؤال
واخــرجوحيــرتى أشـد ممـا دخلت
عجبى!!!!ا
ياما صـادفت صــحاب وما صحبتهمش
وكاسـات خمــور وشراب وماشربتهمش
أندم على الفرص اللى انا سبتهم
والا على الفرص اللى مـاسـبتهمش
عجبى!!!!!ا
أحب اعيش ولـو أعيش فى الغـــابـات
أصــحى كمـا ولــدتنى أمىوابـات
طائر.. حوان ...حشرة ..بشر بس اعيش
محـلا الحياة ...حتى فىهيئه نبات
عجبى !!!!ا..
هات يا زمان و هات كمان يا زمان
غير بسمة الشجعان مامني يبان
هو الليداق الفرحة يوم ثورتــــه
يقدر يعود ولا ثانية للأحــــــــزان ؟
عجبــــــــــــــــــــــــــــــــــي!!!!!!!!
أنا قلبى كان شـخشيخة أصبح جـرس
جلجلت به صـحيوا الخـدم والجــرس
أناالمهـرج ...قمتو ليه خفتو ليه
لاف إيدى سـيف ولا تحت مـنىفـرس
عجبى!!!!!!!!ا
غدر الزمان يا قلبي مالوش أمـــــان
وحاييجي يوم تحتاج لحبةإمــــــان
قلبي ارتجف وسألني.. أأمنْ بإيه؟
أأمن بإيه محتار بقاليزمـــــــــان
عجبــــــــــــــــــــــــــــــــــــــي!!!!!
رقبه قزازه وقلبى فيه أنحشر
شـربت كاس واتنين وخـامس عشر
صـاحبتناس م الخمرة ترجع وحوش
وصـاحبت ناس م الخمرة نترجع بشر
عجبى !!!!ا
حبيت...لـكن حب من غـير حنــان
وصـاحبت لـكن صحبه مـالهــاشأمـان
رحت لحكــيم واكتـر لقيـت بــلوتى
إن اللى جـوه القلب مش عاللسان
عجبى !!!
فارس وحيد جوه الدروع الحـــــــــديد
رفرف عليه عصفور وقال لهنشـــــيد
منين.. منين.. و لفين لفين يا جدع
قال من بعيد ولسه رايحبعـــــــــــيد
عجبــــــــــــــــــــــــــــــــــــــــــي!!!! !
نوح راح لحـالـه والطـوفـان استمر
مركبنا تايهة لسـه مش لاقية بر
أهم الطـوفان وأهين يـابر الأمـان
إزاى تبـان والـدنيا غرقانةشر
عجبى!!!!
| | | |
| |
|
| | |
فراشة الحب
عضو خبرة
عدد المساهمات : 1031
تاريخ التسجيل : 10/04/2008
| | موضوع: رد: رباعيات صلاح جاهين وعجبى الأربعاء 16 أبريل 2008, 7:04 am | |
| على رجلى دم ...نظـرت له ما احتملــت
على إيدى دم ..ســألت :ليه ؟لم وصلت
على كتفى دم وحـتى على راســى دم
أنا كلى دم ..قتلت؟؟...والا اتقتلت؟؟
عجبى!!!!!ا
تسلم يا غصن الخوخ يا عود الحطب
بييجي الربيع..تطلع زهورك عجـــب
وانا ليه بيمضي ربيع وييجي ربيـع
ولسه برضك قلبي حتة خشــــــب
عجبـــــــــــــــــــــــــــــــــــــــي!!!!!!
الـدنيا من غيـر الــربيع مـيته
ورقـة شـجـر ضــعفـانهومفتفته
-لأ يــاجدع غلطان تــأمـل وشوف
زهر الشتا طــالع فى عزالشتا
عجبى !!!ا
ياللي في حماه الشمس تلقى الملاذ
و ألف بكره و بكره..في ضلوعـــــــــهلاذ
مين أنت ؟ مارد ؟ رب ؟ قال لأ ده بـس
انا اللي باروي القمح واسقي الفـولاذ
عجبـــــــــــــــــــــــــــــــــــــــــــــــ ي!!!!!
ينبــوع وفى الحواديت أنا ســمعت عن
إنه عجيب ...وف وسط لهاليبلكنـه
شقيت كما الفرسـان طريقى ...لقيت
حتى الخنـازير والكلابشـربـوا منـه
عجبى !!!!!!ا
على بعد مليون ميل من أرضنا
من الفراغ الكونى بصيت أنا
لا شفت فرق مابين جبال أو بحور
ولا شفت فرق مابين عذاب أو هنا
عجبى!!!!!!!ا
وسط الحطام اتفرجوا يا أنـــــــــــام
تمثال ملك..ومبوله مالرخــــــــــام
لتنين نحتهم نفس أسطى الحجر
و كانوا ذات يوم كتلتينلسه خام
عجبــــــــــــــــــــــــــــــــــــــي!!!!!
سـرداب فى مستشفى الـولاده طـويــل
صـرخات عذاب ورا كل بابوعـويل
..
وفى الطريق متزوقين البنات...
متزوقين للحبوالماواويل
عجبى !!!!!!!!
غسل المسيح قدمك يا حافي القدم
طوبي لمن كانوا عشانكخــــــــــدم
صنعت أنا لك نعليك يا أخــــــــــــــــي
مستني إيه ...ما تقوم تدوس العدم
عجبــــــــــــــــــــــــــــــــــــــــــــي!! !!!
كيف شفت قـلبى والـنبى يـاطبيب
همد ومـات والا سامع لـه دبيب
قاللىلقيته مختنق بالدمووع
وما لوش دوا غير لمسه من إيدجبيب
عجبى!!!!!!!!ا
عجبي عليك..عجبي عليك يا زمن
يا بو البدع.. يا مبكي عينيدمــــاً
إزاي أنا.. أختار لروحي طريـــــــــق
و أنا اللي داخل فيالحياة مرغماً
عجبـــــــــــــــــــــــــــــــــــــــي!!!!!
ا* الدنيا من غير الربيع ميته
ورقه شجر ضعفانه ومفتفته
ا* لأ ياجدعغلطان تأمل وشوف
زهر الشتا طالع فى عز الشتا
عجبى!!!!!ا
| |
|
| | |
سيمو وانتيمو
عضو مبتدئ
عدد المساهمات : 85
تاريخ التسجيل : 29/05/2008
| | موضوع: رد: رباعيات صلاح جاهين وعجبى الجمعة 18 يوليو 2008, 6:27 pm | |
| [size=29]رائع تسلم ادكى [/size] | |
|
| | |
gersy
عضو متمرس
عدد المساهمات : 3078
تاريخ التسجيل : 17/05/2008
| | موضوع: رد: رباعيات صلاح جاهين وعجبى الثلاثاء 22 يوليو 2008, 4:59 am | |
| | |
|
| | |
سهام القدر
عضو مجتهد
عدد المساهمات : 276
تاريخ التسجيل : 08/07/2008
| |
| | |
الحبيب المصرى
عضو متمرس
عدد المساهمات : 3014
المزاج : الحمد لله
تاريخ التسجيل : 08/07/2008
| | موضوع: رد: رباعيات صلاح جاهين وعجبى الجمعة 25 يوليو 2008, 4:02 am | |
| | |
|
| | |
فراشة الحب
عضو خبرة
عدد المساهمات : 1031
تاريخ التسجيل : 10/04/2008
| | موضوع: رد: رباعيات صلاح جاهين وعجبى الإثنين 28 يوليو 2008, 8:16 pm | |
| ميرسى سيمو وانتيمو على مرورك الجميل
ميرسى شيكو على مرورك الجميل
ميرسى اختى سهام على مرورك الجميل وانا بفرح اوى ياقمر لما بشوف ردك على موضوعى
ميرسى الحبيب المصرى على مرورك الكريم | |
|
| | |
smsma
عضو خبرة
عدد المساهمات : 1870
تاريخ التسجيل : 01/04/2008
| | موضوع: رد: رباعيات صلاح جاهين وعجبى الثلاثاء 29 يوليو 2008, 10:20 am | |
| جااااااااااااامدة يا فراشة ربنا يوفقك  | |
|
| | |
nour_einy
عضو متمرس
عدد المساهمات : 4742
تاريخ التسجيل : 30/03/2008
| | موضوع: رد: رباعيات صلاح جاهين وعجبى الثلاثاء 29 يوليو 2008, 6:20 pm | |
|
تسلم ايدك يافراشه
موضوع روعه
| |
|
| | |
فراشة الحب
عضو خبرة
عدد المساهمات : 1031
تاريخ التسجيل : 10/04/2008
| | موضوع: رد: رباعيات صلاح جاهين وعجبى السبت 09 أغسطس 2008, 2:38 am | |
| ميرسى سمسمة على مرورك الجميل ياقمر
ميرسى احمد على مرورك الجميل | |
|
| | |
| | رباعيات صلاح جاهين وعجبى | |
|
