Mr. Haitham Hafez
::::مدير الموقع::::
عدد المساهمات : 5156
المزاج : الحمد لله
تاريخ التسجيل : 26/03/2008
 | موضوع: ياعم فوق وصحصح وافهمنى عشان تعيش عمر الدماغ ما تعمر بالبانجو والحشيش  الأحد 26 أبريل 2009, 3:45 am | |
|
ياعم فوق وصحصح وافهمنى علشان تعيش عمر الدماغ ماتعمر بالبانجو والحشيش
الحشيش خلاص بقى أشهر من السكر والزيت واللحمة بتاعة الجمعية الى الناس كانت بتقف عليها طوابير
الحمد لله الناس فقدت الامل انها تجيب لحمة ودا طبعا علشان سعرها الى كل يوم فى النازل واكتفوا بأنهم يحلفوا برحمتها وأيامها بتاعة زمان
واتجهت لحاجة تانية اعتقد انها بجد بقى عليها طوابير
وممكن الحكومة بعد كدا من كتر انتشارة تنزلة مدعم وتلاقى الطابور يوصل ل 10 متر
الحشيش اليومين دول بقى عادى
وميخلاش منة اى فرح او اى سهرة حلوة مع لمة حلوة
وخاصة بين طلبة الجامعة الى المفروض انهم ذى ما بيقولوا شباب المستقبل
يعنى ممكن ومن غير مبلغة تلاقى حوالى 40% من شباب الجامعات بتشرب حشيش دا على الاقل
حتى الاغانى تحولت كلهاالى اغانى عن الحشيش
طب ليه يا جماعة وايه هى الاسباب
مش هدوشكوا واقول البطالة واليأس والحالة الاجتماعية والكلام الى كلنا عرفينة
طب مافى مليون غنى ومعندوش اى مشاكل فى الشغل وبيشربوا الحشيش
السبب الحقيقى بجد هو الفراغ والتفاهه
ورغم ان الطالب المفروض وقت فراغة كلة بيكون مذكرة الا انة مش بيفكر حتى يذاكر وبيفضل تكبير الدماغ
وتختلف قصة كل حشاش عن التانى فى سبب التحشيش والدخول فى دائرة التحشيش العظمى
الى يقولك صحبى الله يخرب بيتة والتانى يقولك كنت عايز اجرب واستحليت الموضوع
والى يقولك علشان ابقى راجل والى يقولك الحكومة هى الى بتعمل كدا علشان نصهين
وفى حكمة للمحششين بتقول
السطلان فى الزمن دا اصبح فوقان
وعلى فكرة ممكن يكون عندهم حق فعلا الزمن دا مش عايز الفايق علشان الفايق دايما بياخد على دماغة
مش عارف ليه دايما الحرامى بيوصل والراجل الماشى ذى الالف بياخد على قفاه
يعنى لو موظف بيراعى ضميرة يلبسوة قضية ويخلوة حرامى
والحرامى بقى بطل قومى خلاص
بس طبعا دا فى الدنيا بس انما فى الاخرة الله اعلم
علشان كدا الناس دى فضلت انها تبقى مسطولة علشان تعرف تعيش فى الزمن دا
واصبح خلاص
عفوا هذا زمن المساطيل
الحاجة الغريبة انك تلاقى بعض الحشيش بيجى من امناء وظباط الشرطة ودى بجد الحاجة الى تفور دمك
بقى اى حرز حشيش اليومين دول هو من نصيب رجال الشرطة ربنا يقويهم الى طبعا احنا فى خدمتهم مش العكس
ويتسرب بقى لفلان وعلان واهى كلها جمايل
ومتعرفش الناس دى بتعمل معانا كدا ليه
هل هما عايزينا مسطلوين دايما ومش فاهمين اى حاجة عن اى حاجة
وهل السطلان اليومين دول رحمة للناس
بدل متسأل وتدور على حقك وفى الاخر هتاخد برضة على قفاك
الناس بقت مش عايزة تعرف اى حاجة عن الدنيا عايزة تعيش يومها بس
ولو سألتهم البلد ماشية اذاى هيقولك الكلمة المفضلة للشعب المصرى
وانا مالى!!!!!!!!!!
حتى الناس بقت تخاف تتثقف بأى علم من العلوم
خايفة لما تبقى مثقفة تفهم ولو فهمت تتاخد فى الرجلين
هى عايزة تعيش وخلاص
واهو عايش مسطول من كوكب وحاسس ان الناس الى معاه دول فى كوكب تانى
انت بقى شايف ايه
تعيش مسطول والا مصحصح؟
وهل الحكومة عايزانا مساطيل والا مصحصحين؟
عفوا يا حكومة........
مع تحياتى هيثم حافظ
| |
|
عفريت النت
عضو مبتدئ
عدد المساهمات : 64
تاريخ التسجيل : 08/10/2008
| | موضوع: رد: ياعم فوق وصحصح وافهمنى عشان تعيش عمر الدماغ ما تعمر بالبانجو والحشيش الإثنين 18 مايو 2009, 3:55 pm | |
| شكرا يا هيثم على النصايح المفيدة
ربنا يهدى شباب المسلمين | |
|
justaneng
عضو غير نشط
عدد المساهمات : 13
المزاج : لذيذ ورايق
تاريخ التسجيل : 20/07/2009
| | موضوع: رد: ياعم فوق وصحصح وافهمنى عشان تعيش عمر الدماغ ما تعمر بالبانجو والحشيش الإثنين 20 يوليو 2009, 11:39 pm | |
| الاول يا هيثم احييك على طريقه عرض الموضوع تسلم ايدك
بس اعتقد ان المشكله اصلا من البيت نفسه والاسره
مش اكتر | |
|
سهر الليالى
عضو مجتهد
عدد المساهمات : 157
المزاج : الحمد لله ماشى
تاريخ التسجيل : 06/09/2008
| | موضوع: رد: ياعم فوق وصحصح وافهمنى عشان تعيش عمر الدماغ ما تعمر بالبانجو والحشيش السبت 01 أغسطس 2009, 8:52 am | |
| [size=29] تسلم الايادى يا هيثووووووم بس الواحد يعيش فايق احين وع انه هياخد على قفاه او يعيش مسطول عشان ميحسش بالبلاوى الى فى الدنيا[/size] | |
|
