هو احنا ليه بيتعمل فينا كدا واحنا ليه كدا ؟؟....

هو احنا ليه بيتعمل فينا كدا ؟

ليه بنتسرق وبنسكت ؟

ليه دايماً رغم اننا مسروقين بتشوف احساس بالرضا من الناس واحساس يقهرك ؟

ليه احنا مش واخدين ابسط حقوقنا ..

انا مش حتكلم عن حقوقنا الديموقراطية ولا اى حاجة .. لان الواحد اتفقع كلام فى الحوار دا ..

انا اقصد على الاقل حقوقنا التقنية ..

ليه الانترنت عندنا فى مصر الميجا بـ 700 جنيه وفى كندا وامريكا ببلاش ؟

واللى يغيظك انه بييجى كماليات على الشقة ..

ليه الموبايلات عندنا نزلت متأخرة سنة عشان يجيبولها اجهزة تصنت ؟

ايه سر ان التقنيات غالية ؟

ماحدش يقولى ان التقنية غالية عشان احنا بلد فقيرة او بلد نامية ..

لا احنا اللى بنحدد سعر التقنية دى ..

احنا ؟

احنا مين ؟ .. هى الحكومة دى احنا ؟

لا ..

اقصد هم اللى بيحددوا سعر التقنية دى ..

ليه حاسة ان الحكام خايفين من التقنية ؟

ليه حاسة ان كل حق لينا مسلوب ؟

ليه حاسة انى مش قادرة اخد ابسط حقوقى ؟

حاسة ؟

هو مش احساس دا واقع ..

طيب لو هو واقع .. بقى .. يبقى ليه الواحد عايش اصلاً ..

طالما الواحد مش قادر يعمل اي حاجة وبمجرد انك تفتح بقك بتاخد على دماغك ..

طيب ليه بنتعلم ؟

ليه نتعلم مناهج موضوعه من 30 ولا 40 سنه ما اتغيرتش ؟

طيب وايه فايدة العلم فى بلد ما بتقدرش قيمة العلم ولا الشهادة الا ساعه الجواز ؟

انا مش قادرة اتخيل ليه الحكام بيعملوا كدا ؟!!!

لييييه ؟

الف ليه وليه بتنط فجأه فى وشي ..

الف ليه وليه عاوزه اجابة ..

الف ليه وليه مش حتلاقو اجابه ..

عارفين ليه ؟

عشان انتو ما سألتوش نفسكم ليه ؟

او عشان مش عاوزين تسألو نفسكم ليه ؟

الله ,, وهو انا مزعلة نفسى ليه ؟

تصدقو مش عارف ليه ؟

والله انا ما بقيت عارفة حاجة ..

وبرضه معرفش انا كتبت الموضوع دا ليه ..

بس حاسسة انى مفقوووعة اوى وكنت عاوزة ازعق وخلاص ..

ازعق ؟

وازعق لييه ؟ ما توطى صوتك بدل ما نتمسك ويجرالنا حاجة ؟

الله .. هو انا خايفة ليه ؟

طيب مادام انا خايفة يبقى احط الموضوع واجرى ..

طيب ليه ؟

هو كدا من غير ليه
ارجو اللاد عايزة حد يفهمني

يمكن احنا اللى نستاهل

يمكن السبب فى سلبيتنا

او احنا اللى مش بنعرف نطال بحقنا

شكرا على الموضوع الجميل تسلم ايدك يا قمر

تمام مواضع كويس
تسلم اديكى

تسلم ايدك موضوع جامد

بس هو دة طبيعة شعبنا عايشين كأن الحال عاجبهم