تحب يكون مين مثلك الاعلى مغنى ولا مطرب ولا مصارع ولا محمد عليه الصلاه والسلام

الحمد لله والصلاة والسلام على خير خلق الله
اما بعد
باذن الله اليوم هنتكلم عن موضوع من اهم الموضوعات في حياتنا
يا ترى مين قدوتك
صعب جدا ان يكون انسان في الدنيا مالوش قدوة بيقلده
لان الانسان اجتماعي بطبيعته
واي انسان مهما كان هتلاقيه بيقلد حد في في اخلاقه في طريقة مشيته في أي جانب من جوانب حياته
وده مش عيب ابدا في أي حد انه يكون ليه قدوة بيقلده
لما تلاقي مذيع يسال لاعب كورة يقول له مين مثلك الاعلى
يقوله محليا ابو تريكة مثلا وعالميا رونالدينهو
وكل الدنيا كده الممثلين والمغنيين والمصارعين ولاعبو الكراتيه
كلهم ليهم مثل اعلى
فيا ترى مين مثلك الاعلى
عندنا حاجة مهمة جدا قبل متجاوب
مهمة جدا
جدا
اختار لنفسك قبل متجاوب
اختار لنفسك مكان
لاني الاسم اللي انت هتجاوب بيه كمثل اعلى ليك
هتكون معاه يوم القيامة
ايديكم في ايدين بعض
مكان ميروح هتروح معاه
ركز بئا وقول
تحب تكون مع مين في يوم القيامة
فكر
المغنى العالمي صاحب الشعر المنكوش
ولا الراقصة فلانة
ولا المصارع الجبار
ولا مين ولا مين ولا مين
مين يشرفك تكون ايدك في ايده
مين يسرك انك تروح معاه
مين لما تتزنق وتتمنى حد يشفع لك عند ربك يكون معاك
ويشفع لك في يوم لا ينفع فيه مال ولا بنون
الا من اتى الله بقلب سليم
تعرف ؟
هاقولك على حكاية صغيرة كلنا محتاجينها
بيحكيهالنا سيدنا انس خادم الرسول صلى الله عليه وسلم
جاء رجل الى رسول الله صلى الله عليه وسلم
وقال له يا رسول الله اني احب القوم ولا اعمل بعملهم
قال ( انت مع من احببت )
فقال انس والله ما فرحنا بشئ بعد الاسلام فرحنا بهذا الحديث
عارفين ده معناه ايه
ان لو مثلك الاعلى ناس اتفوقت عليك في العمل لله
برضه هتحشر معاهم
ولا يوجد من يشرفنا ان نكون في جواره وبين يديه يوم القيامة
اعظم ولا افضل ولا احب من حبيبنا سيد ولد ادم حبيب الحق سيدنا محمد صلى الله عليه وسلم
ولا بد لاي حد بيحب حد انه يتكلم عنه كتير ويعرف عنه كتير ويسال عنه كتير
فان شاء الله هيكون لينا مشاركات نتعرف فيها بكل بساطة على مين هذا النبى الكريم اللي ربنا شرفنا بيه
ورفع قدرنا بالانتساب لامته
وهيكون لينا باذن الله الشرف العظيم ان اول من يدخل الجنة هوا سيدنا محمد
واول امة هتدخل الجنة هيا امة سيدنا محمد
صلى الله عليه وسلم

عليه افضل الصلاة والسلام
قدوتنا كلنا وكل امة محمد سيد نا محمد صلى الله عليه وسلم
مشكور احمد على الموضوع موضوع اكثر من رائع

شكرا فراشه الحب على ردك ومرورك

شكرا يا احمد على الموضوع وطبعا الاختيار معروف كلنا نتمنى نكون مع الرسول عليه افضل الصلاة وازكى السلام

اللهم صلي و سلم و بارك على نيينا و رسولنا الكريم محمد صلى الله عليه و سلم
موضوع مؤثر في النفس
جزاك الله خيرا

» ما الحكمة من كثرة زواج النبى عليه الصلاة والسلام, ما ستجيب لو سألك أحد
» اسماء الرسول عليه الصلاه والسلام
» الرسوم الدنماركيه المسيئه للرسول عليه الصلاه والسلام
» الخضر عليه الصلاه والسلام اطول الناس عمرا
» مائة دعاء لسيدنا محمد عليه الصلاة والسلام