الموضوع ببساطه سؤال
انت ليه بتتعلم
اسال السؤال ده لنفسك انا ليه بتعلم
وبعدين اسال زمايلك احنا ليه بنتعلم
طيب روح لعميد الكليه وقوله احنا هنا بنعمل ايه وليه
التعليم في مصر اصبح مظهر اجتماعى فقط لاغير وبصراحه هو حلو مش وحش واللى يعرف قيمته مينجحش خالص اقوللكم ازاي انت متخيل هتطلع تشتغل وتفتح بيت والوظيفه والمدام والعربيه بيدورو عليك تطلع تلاقى مفيش مكان ليك حتى على قهوه المكان مشغول ويبقى قدامك يا اما تحت كبري 6 اكتوبر تضرب كوله
يااما تشوفلك غرزه وتحشش فيها يا اما تشوفلك بنت تحبها وتديك بمبه وتجوز غيرك بصراحه ياجماعه طريق الاجرام مفتوح قدام اي طالب ومش محتاج منكم تعب
عايز تبقى حرامنى هتبقى عايز تبقى نصاب هتبقى عايز تبقى تاجر مخدرات هتبقى اي حاجه غلط سهل انك تعملها وبدون واسطه عايز تبقى كويس انسى او متحاولش طالما وانت طالب مسالتش انا بكره هبقى ايه ومين اللى هيضمنلى
يبقى لما تطلع هتقعد في الشارع وياريت تلاقيلك مكان بيقولو عدد سكانا كتير هيجيبو منين مع اننا عدد سكانا بسيط قوي بالنسبه للمساحه شوفو احنا كام واليابان كام وشوفو مساحتنا كام اليابان كام وشوفو هما فين واحنا فين
كل يوم بنظلم نفسنا ليه منحاولش نكون ايجابيين
واحد يسال الدكتور يقوله احنا بتعلم ليه
هو في باله هيقول عشان تشترو الكتاب بتاعى
بتاع شؤن الطلبه يقولك عشان تدفعو المصاريف
والعمال يقولولك عشان الكانتين يشتغل
ياريت وانت ماشى وعديت على اي قهوه هتلاقى اقل واحد فيها معاه كليه
انا بتمنى الطلبه تعمل اللى الشعب كله مش قادر عليه الجامعه قوه ليه متقفش الطلبه ايد واحده ويقفو قدام الكليه ويسالو احنا بنتعلم ليه ويشوفو مين من المسؤلين اللى عنده الجرأه انه يجاوب
لو الطلبه وقفو وقفه واحده وراجل واحد البلد كلها هتتغير مش التعليم بس
المصاريف غاليه ليه تدفع المصاريف
الكتب غاليه ليه تشتريها
حجات كتير في ادينا واحنا اللى مصعبينها
كان معكم احمد حافظ وربنا يستر عليه
الخميس 29 مايو 2008, 8:01 am
